Cerh Ding Si Ti Lai Lo: Gen Min Aung Hlaing Nih Phung Thar A Ser Mi Cu Ttih Nung Tuk ko Cang.

Ni hin ah palik nih an rak in tleihding a siah cun, tleihkhawh nak ding ca an keng maw, tleihnak ding caah nawlchuah mi a um maw? zeiruang ah dah, zeitin dah timi a um lo ah cun, tleih a ngah lo nak kong Myanmar mipi zate in theih dingah aupi cuahmah a si i zanlei ah khan cu bantuk phunglam ser mi cu ralbawi Min Aung Hlaing nih a van thlen colh bak ko e.

Palik lole ralkap nih minung an tleih tik hna ah tleihkhawh nak caken a hau lo htimhrim, tleih ding in nawlchuah nak a um ah cun an tleihkhawh cang hna tinak a si i, a ho nan si poh ah khual nan neih ah cun nan sang lutlai deuh sin a si loh le khuabawi sin ah nan chim lai nan chim lo a siah cun thleih ding an si lai. Mah cu ah cun ni 7 chung thawngtlak si lole thawng 10 liam ding a si lai.

Phunglam thar an chuah ti a si konain, phunghlun an dinh ter ruang ah phinglam thar a um deuh tinak a si. Mah cucu phunglam hrampi 420 bantuk in pohmah 5,7 le 8 ah palik nih mi a tleih hna a siah cun, tleihkhawh nak ca ai len a hau. Nawlpek nak a um a hau. Khuabawi silo le sang upa nih zulh a hau timi kha a rak si sinain tuzan lei ah khan cu bantuk umti loin, ralbawi Min Aung Hlaing nih cun tuni February 13, zanei ah khan a thlen dih.

Pohmah 5 an buar ruangah mi pakhat khat tleih tik ah khuabawi hruai a hau ti loh. Pohmah 7 an buar ruangah Court i nawlchuah hau lo zong in nazi 24 chung an erh khawh hna. Pohmah 8 an buar ruangah tlaih khawh nak ca um lo zong in an tleih khawh rih hna.

Curuangah cun palik le ralkap nih cunglei nawlpek nak a um ban tuk in an duh mi cu tleihkhawh nak ca a um lo zong ah an tleih khawh cang hna tinak a si cu. Mah cu vialte cu ralkap nih nawlneih nak an lak chung cu hman ding tinak a ai i, kumkhat chung long nawlneih nak kan lak lai an ti nain kum zsizat remruawm dek an lak te hnga timi cu chimkhawh a si loh.

Source: VAPUAL AUAW

Be the first to comment

Leave a Reply

Your email address will not be published.


*