Chin Ah SAC Ralkap Motor 66 An Kai Than  

Chin Ah SAC Ralkap Motor 66 An Kai Than  

Chin ramkulh Mindat in SAC ralkap motor 66 cu nihin July 21 ah Kyaukhtu lei ah a kal, tiah theih a si. SAC ralkap motor run cu nizaan khan Kyaukhtu in Mindat lei ah a kal nain, nihin July 21 ah Kyaukhtu lei ah a kir ṭhan, tiah theih a si.

SAC ralkap motor run cu Pakokko le Saw lei ah an kal lai tiah zumh a si i, ruahlopi in kahdohnak chuak kho a si caah July 21, 2022 in Kyaukhtu – Pakokko lampi le Kyaukhtu – Saw lampi cu hman rih lo ding in theihternak an tuah i, a herh tukmi an um ahcun Kyaukhtu PDF zung ah phone in pehtlaihnak tuah hmasa ding a si lai, tiah Kyaukhtu PDF nih ralrinpeknak le nawlnak cathanh an chuah.Martyrs’ Day Vs. Kawl Ralkap le Communist Party Founder Bochuk Aung San part 1

Nihin 19 July 2022 cu Kawlram Martyrs’ Day (၇၅ နှစ်မြောက် အာဇာနည်နေ့) Kum 75 a tlin Ni asi. Diamond Jubilee aphan cang. Kawlram Zalonnak kanpa le Kawlte Pabik Bochuk Aung San telin Kawl Pasalṭha 9 cu Galone U Saw le a hawi le nih, Vuanci hna zung ah an thah hna Ni kum 75 a tlin cang. (1) Bochuk Aung San (1915-1947). (2) Thakhin Mya (1897-1947). (3) U Bochu (1893-1947). (4) U Yarzat (1898-1947). (5) U Ba Win (1901-1947). (6) Man Bakhai (1903-1947). (7) Maipun Sawbua Satsanṭun (1907-1947). ( U Ung Mg (1913-1947). (9) Ralkap Ko Htwe (1929-1947).

Panglong kha um hlah sehlaw, Martyrs Day aum khawh lo: Union Day (12 Feb) aum kho lo: Independent Day (Feb 4) aum khawh ve lo: Zeizong te Panglong ah hram an thlak dih. Zeitintiah tu chan kawlram kan ti mi hi Panglong in aa thawk mi asi. Bochuk Aung San um hlah sehlaw, Panglong aum kho lo. Panglong le Bochuk Aung San rak um hna hlah sehlaw, Kawl miphun lawng in Kawlram an si lai. Tlangcung miphun asimi cu Country kan si lai. Mon le Rakhine belte Kawl pennak in Mirang kut ah a phan mi an si.CHIN, KACHIN, SHAN, KAREN, KARENNI (Kaya) cu Country bak asi lai. Bochuk Aung San cu: hi lei ah sem hlah sehlaw, Panglong a um kho lo. Mirang sin ah Tlangcung mi le kawl fonh in Zalonnak ka lak lai a ti tu an um lai lo. Kawl nih an kan uk ti lai lo caah Tlangcung mi nih kum 80 leng Dohthlennak tuah zong a um lailo. Paucan Dohthlennak zong aum lai lo, Kan fanau Deirel Arfi hna tampi kan thlau ve hna hnga lo. Panglong aum lailo caah Mirang nih Kum 10 an kan uk lai. Cu hnu ah Zalonnak an kan pek lai. Kan ṭhancho rih lo, kanmah tein aa uk khawh ding kan si lo ahcun, kum tam deuh an kan uk lai I Zalonnak an kan pek lai. Tu hrawng hi cu CHIN MI cu Taiwan, Hong Kong le Singapore khi kan hluan ve cang hnga.

Kawlram um CHINRAM lawng khi kan ram arak si lai lo. Kawlrawn um ASHO CHIN, KKK CHIN, MIZO CHIN, Bangladesh Um Bawm CHIN, Rakhine Um CHIN, tbk vialte fumton in CHIN Country lianpi asi lai. KUKI, Thado le Naga hi CHINRAM ah an um ve hnga. Achan cu CHIN an si ko. Anmah nih kan si lo an ti sawh le si ko. Hi vialte a rawk hi Panglong ruang ah asi. Panglong Fekter tu bik hi Martyrs Day hi asi.Bochuk Aung San le minung 8 nih nunnak an pek ruangah Kawl miphun cu nihin tiang Zalonnak tlamtling an hmuh. Kannih CHINMI cu CNF an thawk in nihin Pau Dohthlennak tiang ah Ramdawtu hna 100 leng nih Nunnak le Thisen kan pekchan cang nain, kan ram le miphun aluat rih lo. Saal ah kan tang rih. Babilon saal tang Judah mi cu luat ni an ngei.

Kannih hi luat NI kan ngeih te hnga maw. CNA CDF CNDF nih Ralhrang MAH an thluk lawng ah a zalon ding kan si. Kan TEI LO I kan thluk khawh lo ahcun Nunchung saal kan si ti kha philh hlah uh. CNA CDF CNDF nih Pau Dohthlennak ah Kawlte Ralhrang kan thluk kho lo ahcun Nunnak 10000 pek zong ah kan luat khawh ti lo men. Pau Dohthlennak hi kan caah Vanram pahnih nak atlunpi tu ding asi. Annih nih Zalonnak tlamtlin an kan phawrh tikah CHIN Martyrs Day kan ngeih ve te lai.