Chin Mi Ralzam Caah Thawngttha Taktak Si Cang.

Medicine Sans Frontieres nih abik in Chin ralzam bawmh a timh, India tangka 150million man a si lai tiah theih asi. Chin ralzam ka tinak a ruang cu India tangka in tarlangh asi caah. Kawlram huap bawmhnak cu tuhlan ning tawnah cun, Thailand in a luh tawn caah tutan cu Chinmi papek deuh si in ka ruah. Ralzam chungin damlo ngawr zawtnak ngeimi tbk kha papek si lai i mah pinah ralzam hna umto tthut ning arem deuhnak hnga le tii thiang le thli thiang an hmuh khawhnak hgna kha ihmaithlak a si lai an ti.

Medicine Sans Frontieres hi,International NGO asi i kum 1971 ah Paris khuapi ah rak dirhmi harsa bawmtu bu asi i, tu an budget kalpi mi ah 1.9 billion a si i mah hna hi pumpak le mibu tete hna i,pek chinmi a sive. An headquarters cu Global Geneva ah a si i anmah phu hmaithlak bikmi cu Humanitarian and Aid a si.

Thailand lei in a lutmi kawlram harsa bawmhnak hi cu Chinmi sinah cun a pelpawi te taktak,phundang chim cun a rimlawng kan hnimh ti khawh a si. Cucaah tutan cu India lei in luhpi dawh si caah Chinmi ralzam sinah tlamtlingin a phan ko lai tiah zunhnak nganpi a um. Mahhi bawmhnak hi tukum April thla in thok le ttuan asi cang lai. Mah atawlrel tu mibu upa hna le Chin upa vialte cungah upatnak nganpi pe cio hna usih. Cabialaknak: William HC