Chin Mipi Kilveng Tu (Sniper) Kah Thiam Pasal Tha Nunnak Aliam

Chin ramkulh Matupi peng chung Matupi Paletwa motor lam pawng ralhrang ralkap umnak hmun Thi Boi sakhan in sniper le CDF Matupi Battalion 3 phu in sniper cu an i kap. CDF Matupi sniper cu nihin January 18 zinglei sml 10:30 ah a hngawng zawnah meithal kuan nih a khenh caah a nunnak a liam tiah CDF Matupi sinin theih a si. Ram caah a nunnak a liamtu CDF Matupi ralkap nih a nupi le fale 3 a kaltak hna.

Chin ramkulh ah Kalaymyo in a rak kaimi SAC ralhrang motor rual cu mipi ralkap fonhmi phu nih an rak kah hna caah SAC ralhrang 10 tluk an thi tiah Civic Defence Militia CDM Siyin nih cathanh an chuah.January 17 zinglei sml 10:00 hrawngah Chin ramkulh le Kalaymyo pehtlaihnak lampi in thazaang chap dingah a rak kaimi SAC ralhrang ralkap motor ngan 3 le hriamnam bunhmi motor hme 2 hna cu CNA, CDM Siyin, PDF Zoland, Zogam Army le CDF KKG hna nih an kah.

Cucaah SAC ralhrang ralkap hna cu kal an i timhnak hmunah kal kho ti loin an kir than tiah CDM Siyin nih a chim. SAC ralhrang nih Chin ramkulh cu control dingin tu thla hramthok in thazaang chapnak le a biapi deuhnak hmun paohpaoh ah sakhan tuah in control ding aa zuam. Asinain Chin ramkulh chung luhnak lampi simi Sagaing ramthen Kalay peng le Maggui ramthen Yaw hmunhma ahcun voi tampi lampi in kahdoh an tong lengmang.January 13 zongah khan Kalaymyo in a rak kaimi SAC ralhrang 100 lengkai hna cu mipi ralkap fonhmi phu nih an kahdoh caah ralhrang 7 an thi bal tiah People Spring nih a tial. credit: the federal time

Be the first to comment

Leave a Reply

Your email address will not be published.