Chin Ram Rih Lei Ah SAC Ralhrang Pawl An Kai Than

Zahan Lumbang ah a riak mi SAC ralkap Rih lei ah kal dawh si, tiah chim,

Kalay in a rak kai i October 11 zaan Lumbang khua ah a riak mi SAC ralkap pawl cu Falam le Lungpi kar Rih lam lei ah kal dawh an si, tiah khuami sin in kan theih.

“Falam an phanh hi chun 11:00AM – 12:00 PM hrawng ah a si. An chim cionak ah Falam lonhkate Lungpi khua phanh hlan Rih lam lei ah an kal, tiin an chim cio. Asinain, adikfel cun kan hngal kho rih lo,” tiah Falam khuami pakhat nih The Hakha Times ah a chim.

Hi hna pawl hi Lumbang khuami thilri le eidin ding pawl an firpiak hna i zinglei 8:00 hrawng in Falam lei ah an kai i atu hi Hakha lei.
Ref. The Hakha Times

Pale pengkulh PDF pawl i bawm in SAC ralhrang pawl Bomb an puah hnawh hna i SAC ralhrang bawi (ဗျူဟာမှူး) telh in ralhrang 30 an thi tiah theih asi.

Nihin October 11, 2021 ah Sagaing ramthen, Pale pengkulh a um mi PDF pawl i bawm in SAC ralhrang cu voi (30) tiang Bomb an puah hnawh hna i cu ahcun Ralhrang lutlai pakhat telh in 30 leng an thih hi a si tiah Pale PDF nih cathanh an chuah mi ah an langhter.

Zinglei suimilam 8:00AM hrawng ah Ralhrangbawi (ဗျူဟာမှူး) telh in Ralhrang pawl cu Kyauksalin lei ah an kal timi thawngpang an theih bak in Pale People Defense Force (PPDF) tatsaih phu(4) an i fonh i lampi in an phomh colh hna hi asi. PDF lei hi minung (34) hrawng an si i cu ahcun Ralhrang lutlai (ဗျူဟာမှူး) aa cit mi motor cu Bomb an puah hnawh ruang ah a rawk dih ti a si fawn.

Khuami pawl an chim nak ah cun Ralhrang a thimi minung(5) hi cu an thihnak hmun ahcun an phom ta hna i a dang ruak pawl le an ralbawibik a simi ဗျူဟာမှူး ruak cu an kal pi ti asi.

Cu lawng si loin zinglei suimilam 9:40 AM hrawng ah Naga tlangthluan hnu lei khuate ah a kal mi ralhrang pawl cu PPDF pawl nih cun an phomh than hna, cu zong ah cun SAC ralhrang lei ceilak an thi tthan ti asi fawn. Cun zaanlei suimilam 3:00PM hranwg ah khan SAC ralhrang a thimi ruak pawl a phor cuahmah mi Motor zong PPDF phu pawl nih Bomb voi(18) bak in an phomh than hna, cu ahcun SAC ralhrang lei (20) hranwg an thi than ti a si.

Nihin ah pehtlai in hmunthum hranwg, suimilam caan naih nawn tete in PPDF lei nih an phomh hna hi a si i cu ahcun SAC ralhrang lei (30) leng an thih hi asi.

Be the first to comment

Leave a Reply

Your email address will not be published.