Chin State Chief Minister Pu San Mawi Ni Khuai Nih A Kan Thih Tak Hnu In,A Thar Thim Tthan A Si Cang.

Chin State Administration Council Chairman Pu San Mawi Nikhuai nih tu zing lungtur zawtnak in a kan liamtak ni nihin lila ah Chin State Administration Council chungtel ah Pu Ngun San Aung le Pu Gin Suan Khai an thim hna i, Pu Ngun San Aung nih a cohlan i, Pu Gin Suan Khai tu nih cun a cohlan hna lai tiah theih a si.Cu kong he pehtlaih in Chin World facebook page nih a tanglei bantukin a tarlangh.

Chin State Administration Council chungtel ah USDP cozah chan lio i Chin state construction minister a rak tuan tawnmi Pu Ngun San Aung le Myone Ukchohzihmu hlun Pu Gin Suan Khai an si.Pu Ngun San Aung nih a cohlan i, Pu Gin Suan Khai nih cun a al hna” tiah a tarlangh hi a si. Pu Ngun San Aung nih ralkap fialmi rian a cohlan caah Lai mino lak ah bochanmi Salai Lungthli Tum zong nih biatak tein a soiselnak a langhter ve.

A tialmi cu, “Chinmi rawitu traitor Ngun San Aung, mipi mee in hmunhma na ngah khawh ti lo hnu ah mifir ralkap he nai fonh i an firmi nai hrawm diam ko. Nangmah bantuk Laimi lakah nan um hi Laimi kan van a chia hringhran dah. Na chungkhar unau nih an in zahpi tuk cang lai” tiah a tarlangh hi a si.

Pu Ngun San Aung cu Chin State Administration Council member ah thim a si nain, Chin ramkulh caah Chairman thimmi Pu San Mawi Nikhuai nih tu zing a kan liamtak caah amah hi Pu San Mawi Nikhuai aiawhtu ah thiam a si kho.

Source: Chin World, Salai Lungthli Tum

Be the first to comment

Leave a Reply

Your email address will not be published.