Chin State CM Riankhin Thar Mi Nih Chinram Ah Atuah Te Ding Hna Hi Ngeihchia Bak Si

Yangon Ah Nikhat Voikhat Lawng Rawl Ei An Um cang  Yangon ramthen chungah thilri man a kai deuhdeuh i, riantuan ngei lo an tam deuhdeuh tikah inn chungkhar cheukhat pawl cu nikhat ah voikhat lawng rawl an ei cang.

Ahleice in fa cang man, chiti man le eidin man a kai tuk ruangah rian ngei lo, riantuan ding hmu lo pawl caah an I cawk kho tuk ti lo i,  nikhat ah rawl voikhat lawng ei zong an um cang. Inn chungkhar pa khat caah nikhat rawl voikhat ei ding hi thawng 10 kyats tal a hau cang fawn, I khawn cia tangka ngeilo pawl caah cun an har tuk cang ti asi.S.Dagon ah a um mi pakhat nihcun Facang man le chiti man a kai tuk tikah kannih riantuan ngei lo caah cawk ding afoi ti lo. Cutikah rawl khim tein ei ding cu chim lo, nikhat ah khindawk khim dok loin  rawl voikhat te hi kan ei khawh men asi. Facang man niambik pikhat ah thong 2 a si i, chiti (aseta) ah thong 1, arti pumkhat ah 250 a si. Cutikah sa ei ding cu chim lo, rawl ei ding hrimhrim ah kan buai cang ko tiah achim ve.

N.Okalapah i a um mi pakhat zongin Payan innsak riantuan ka si i, kan tuannak pawngah bomb a puak. Cutikah kan ttuan peh ngam ti loin kan i din. Ralhrang pawl an ra i, an chek. Cutikah duh ningin rian atuan a kho ti lo. riantuan lo ahcun tangka aluh nak a um ti lo i, khawncia ngei lo, nitin kawl cop kan si tikah kan nih pawl caah cun a foi bak ti lo, tiah a chim ve.Hlaingtaya i khuasa m i um pakhat zong nih Lanesuai ka si i, bike in mi ka phur tawn hna. Tu ahcun datsi man a kai tuk i, tholkhat 2500 kan pek. Datsi man a kai tikah miphurh man kan keih ve tikah mipi nih an i cit duh ti lo. Cutikah datsi man hman kan hmuh lo caan a um. Cutikah Kan hmuh mi chun tein kan ei i,  cheukhat chungkhar hna cu phungki siangin ah rawl phawt  ding mi abawh mi zong an tampi cang tiah chim ve.

Hibantuk in kawlram achiat I arawh chuahmah lioah mi cheu cu mah pumpak hmuhnak le sinak duh in hehtiah an cawlcangh ve atu zongah Chinram ah CM rian thar an khinh mi cu an lawmh pi tu zong an um len ve.Chin State Riankhin Thar Mi Nih Chinram Ah Atuah Te Ding Hna Hi Ngeihchia Bak Si Ko-Ralhrang nih Chin state CM dingah an thimmi Dr Lt.Colonel Vung Suan Thang hi ralhrang siibawi kumsau pi a tuan hnuah pension la in Yangon ah an chungkhar in khua an sa. Mah dih cun 2015 ah khan USDP party ticket in Pyituh hlutdaw aa rak cuh bal mi si. Tutan ralhrang CM an thim cu,Manipur paihte (zomi) chungin le USA Zomi cheukhat hna nih congratulations an rak ti len.

Dr Lt.Colonel Vung Suan Thang nih 2010 hnuah a chim tawnmi bia cu Zomi miphun nih Chin state CM hi kan tlaih awk si  tikha a rak chim peng tiah Yongon lei um Dr pakhat nih a chim. Ralhrang pekmi CM cu a tlaih taktak ko.Ralhrang uknak lak hnuah Chin state ah CM pathum an si cang i,a pakhatnak bik cu Falam in Pu San Mawi an rak thim nain a rian ttuan manh hlanah a thi, cun Pu NSA si i,kum khat le cheu a ttuan ah ralhrang nih aa CM rank an thlongh piak i,a pathumnaak Dr Vung Suan Thang ah an benh.

Miphun zawn a ruat lo hna nihcun,caanchiat lio hi anmah karkalak huihnak caanttha ah an hman duh ngai tawn ti si caah,MAH kutneh hi caanttha ah aa lak kho maw? hei la sehlaw zeidah a laak hna hnga ??1nk. ZRA kha Manipur tapung an si ko bu ah Chin state aiawh in ralhrang kahngolnak tuahmi ah luh ter a timh lai.

2nk. Halkha khualipi cu a dai lo,a him lo timi chuankhan in, khualipi (myodaw) hi Tedim ah tthial siseh tiah ralhrang bawi hna sinah ahal te kho fawn