China Ah Salai Cung Bik A Tlau, A Chung Khar Pawl ih China I A Um Mi Chinmi Pawl Bomh Nak An Hal Hna

Myanmar in China ram ah riantuan ding in a kal mi Salai Cung Bik cu kum 1 reng lo a chungkhar he an i chawn kho ti loh, a umnak an theih khawh ti lo ruang ah China i a um mi Chinmi cheukhat nih a hmu mi nan um sual asiah cun, a chungkhar sin ah thawngthan ding in zangfah an hal hna.

Salai Cung Bik ( kum 27 ) cu Hanthawaddy in 2016 kum ah China ram Shweli khuapi ah a rak kal mi a si. China ram a phanhka zong ah a chungkhar he an i chawn lengmang ko nain, 2019 kum khan an i chawn kho ti hna loh.

A umnak hmun zong an thei kho ti loh i a um nak hmun zong kawl khawh a si ti loh. Thawngtla hnga maw ti zong an thei kho loh. Curuangah China i a um mi Chinmi cheukhat a hmutu kan um sual asile an sin ah thawngpang chim kho ding in an duh.

A pa Kheng Tling ,a nu Pi Man Ki an si i an upabik Biak Hnin cu Malaysia ah a um. Zei bantuk thawngpang a si zong ah, Salai Cung Bik konglam theitu nih cun a u Biak Hnin ( ph:+60 183 583 671 ) sin ah chimh khawh dingin an duh.

China i a um mi Chinmi pawl cu Cuang Bik kawl cuahmah dingah an phutmi le an hal mi a silo i China ah chinmi tamtuk kan umve tikah a rak hmu sual tu le a umnak ,dirhmun theitu kan um asi ah cun an sin ah a konglam chim ding in an duh. Credit. : Vapual Auaw

Be the first to comment

Leave a Reply

Your email address will not be published.


*