China Khualtlawng Arline Pakhat Minung 135 Hrawng Arline Pakhat Cu Thlanglei Guanxhi State Chung Tlangpar Ah A Tla.

Khualtlawng 132 a phurtu China Airline pakhat cu China ram thlanglei Guanxhi State chung tlangpar ah a tla, tiah China cozah media hna nih an fehter. China Eastern Airline in Boeing 737 vanlawng Teng cu Wuzhou khuapi pawng ah nizaan March 20 ah khan a tla, tiah CCTV thawngzamh nih a fehter i, a tlaknak ah mibawmchantu phu an kal ko nain thi le hliam zat official in thawng theih a si rih lo.

Shinghai hrambunh China Eastern Airline cu China ramchung Airline lak ah top 3 ah ai tel mi a si i, Ramchung ramleng ah Airport 248 tluk an ngei. 2017 zong ah Boeing 737 cu a rak tla cang i vawleicung thawngzamh vialte cahmai ah a rak lang bal.  Credit: The Chin Post 

Japan bia caah relchih te Myanmar ram le Ukriane,

Japan Prime Minister Cambodia ram ah nihnih caam ding i a tlawnnak ah Myanmar le Ukraine buainak kong biaruahnak an ngei. Prime Minister pahnih hna biaruahnak cheukhat cu March 20 ah langhter a si i, Myanmar ramkhel kong he pehtlai in, Myanmar ramchung ah tharum thawhnak(violence) donghter ding in nawlnak an tuah.

Cun, hriamthil kong he pehtlai in bawmhchanhnak a petu hna nih ngol ding le, ram daihnak a um khawh nakhnga ṭuanvongeitu hna dihlak nih lungsau tein tawlrel ding in le ramkhel kong ah tlaihkhih a tong mi dihlak hna cu thlah in democracy lamthluan a zawh khawh nakhnga Myanmar SAC cozah sin ah nawlnak an tuah.

Yangon khuasa ramkhel lei bochan mi pakhat nih cun, “Prime Minister 2 nih nawlnak an tuah mi cu a ṭhatuk mi a si nain, a tak in tuah ding mi nawlnak a si lo caah zeihmanh san a tlai lo,” tiah a chim.

Prime Minister 2 hna nih hin cun ASEAN tonbiaruahnak ah biachanhnak thil phun 5 an rak ceih cang mi cu tlamtling te i zulh a si khawh nakhnga nawlnak an tuah fawn, tiah theih a si.