China Milian Minthang Bak A Si Mi Jack Ma Cu Fak Tuk In China Cozah A Soisel Hnu Hna Ah A Tlau Diam I Mipi Lungre Thei In An Um

China milian Jack Ma a tlau nak kong hi tulio online chungah cun a lar bak, mipi hmaiah a chuah lo bia maw a si hnga, China cozah nih an hrenkhumh dah si hnga timi cu a fiang loh. Zeihmanh theih khawh a si loh. Alibaba Group dirhtu pakhat a si i vawlei cung i mirum lak zong ah min cazin ah ai tel ve mi a si.

China cozah a soisel mi kong cu mipi an thithruai ning le bank pawl an control ning dan cu an luan tuk timi kong ah a si. Hiti hinn a soisel hnu in mipi nih an hmu kho ti loh. Twitter ah zultu 612K zat a nei i bia ṭha ṭha a post tawn nain October 10, 2020 in zei hmanh a post ti loh.

Cun, ‘Africa’s Business Heroes’ timi TV Show a tuah i episode tete in a cawlcang tawn mi a si. Cuka hmun zong ah cun a langh ti lo caah mipi lungre thei in an um dih. China cozah a soisel ruangah an tleih lai le an thah le a si ko lai tiah zumhnak a nei mi minung tampi zong an um ve. An webpage chungi a hmanthlak le a konglam zong hlonhpiak a si cang. TV Show lei nih cun buainak poimawh tuk mi a um ruangah a lang kho rih loh le a si tiah an ti. Credit : Biate Mizoram

Be the first to comment

Leave a Reply

Your email address will not be published.


*