Chinland Joint Defense Committee (CJDC) Le Federal Journal Bia Hal Lehnak

Biahal nak (Q) pakhat nak CJDC ah hin bu zeizatdah nan um? Cu Asho Chin CDF hi tah CJDC ah an I tel maw? CJDC ralkap hi minung thazaang zeizat dah nan si? Chimding atha lai maw? Bialehnak (A) CJDC ah hin CNF telh in bu 16 a um. Asho CDF in chungtel pakhat sinin CJDC sinah pehtlaih nak cu aum Asho CDF in phunglut tein pehtlaihnak cu aumrih lo.

CJDC bu ah hin Chin ramchung I fonton mi ralkap tiah mincazin pek mi aum. Myone pakhat in minung 15 cu tlangle khua kilveng tu in minung 10 cun CNF in minung 30  cu bantuk cu kan I then i minung 200 cu kan si. Cun NUG No.1 ah cun ralkap minung 500 mincazin cu pek asi.

(Q). CJDC bu nih aa tim mi? A. aa tim mi cu ralhrang hna hi anhram in hlo, cu Chin ram pi sersiam le lungkhat tein tuan ti le fek tein pehtlaih nak ngeih in ttan tti nak hi asi. (Q). CJDC nih hin zeibantuk riandah aa hmaithlak lai I zeibantuk in dah committee nan dirh ning asi?

(A). CJDC  hruaitu committee cu CNF nih president atuan, CDF Mindat nih Vice President (I) le Zoland PDF nih Vice president (II) in hmunhma an lak. General secretary cu CNO le  Asst Secretary CDF KGG cun Finance Secretary cu Halkha ti in hruai asi. Cu department pa li in then asi  raltuk lei le fontom nak lei cu thawngpang thanh le hlat ti in then asi.(Q). NUG/PDF he hin zeitin dah rian na tuan tti nan I pehtlaih? (A).NUG lei i defense force le nih caa an kan pek. NUG he hin zoom meeting kan tuah mi zong aum, CJDC nih hin ralhrang adoh mi phu he paih kan I pehtalih caah PDF he hen aherh ning paoh in kan I peh tlai ko.

(Q). CJDC ah hin telding an si ko nain aa tel lo mi hriamtlai an um maw? (A). CJDC bu ah bu thar cohlan nak he pehtlai in cun chungtel dihlak nih an duh ko ah cun cohlan an si ko. Myone kip in defense force paoh cu an I tel ko.(Q). CNF hruainak tangah (Command & Control) nan dihlak in an I hrawmkho maw CJDC bu nih hin the adihlak in nan cohlang kho maw ahlei ce in CNDF, CDF Mindat le PDF Zoland nih cun cohlan dingah an I harh ko tiah kan theih I adik mi asi maw? (A). CNF zong cu CJDC chungtel bu pakaht asi ve.

Cu caah CNF command & control ah hin um khan asi ko kan dihlak lungtling in cohlan asi ko.(Q). thlanglei Chinram ah PDF bu thar an derh cu an derh mi cu NLD hruaitu thing asiloah CRPH hna nih an hruaihna ti mi kan theih, adik mi asi maw? Fiangter awk atha maw? (A). Chinram chungah CDF, CNO, Zoland PDF lawng a um.(Q). atulio can ah hin Chin miphun hna nih anmah le pengtlang in an dir cio cun an thazaang atthawng, raldohnak cawlcangh nak zongah an ti kho I atu ah atthawng mi Ramkulh ah aatel. Cun Chinram chung cu zakhat ah Sawmruk hrawng cu kan mah nih kan uk kawh cang tiah cathanh zong anchuahbal.

Atu ahteh zeitluk hrawng khi dah nan uk kho I cu nan uk nak hmunhma cu teih zei ti muisam(pungsan) khindah nan uk? (A). Chinram kilveng tu hna nih an I zuamnakthawng in atu ah cun khuate kip titluk in kan uk (control) kho cang. Khuapi(myo) lawng hi atangcang. Khuapi hmanhah hin an mah ralkap sakhan lawng hi an mah lei ah aum cang CJDC lam thluan zongah Chimram pumpi cu aluat mi hmunhma si ding in ser hi asi. Cu hnu lawngah Chinram Cozah timi achuak(aasem) kho ding asi. Source Federal JN

Be the first to comment

Leave a Reply

Your email address will not be published.


*