Chinram Chung ah D-Day cu March thla chung khan a thawk diam cang

Chinram Chung ah D-Day cu March thla chung ah khan a thawk diam cang
===========

Chinram chung cu March thla khan D-Day ai thawk cang ti awk asi. A min kan bunh lo ca tu ah asi. Cu caah tihphantuk le lautuk ding asilo. Kawlrawn lei ral a thawh taktak cang lai caah, kan ram lei ah voidang nakin ralhrang a rak kaimi an tlawm deuh khomi asi.

Tlikzam ding asilo. Na tliktakmi na inn le na lo tu kha ralhrang pawl nih an in rolh in duhtawk in an buar khawhmi asi.
Mahle umhmun cio in timh lamhnak ngeih cio a tha; tirawl, sii-ai, ithuhnak tbk). Mahle khua cio in ti khawhnak lam cio in doh cio ding asi. Bawipa aa bochanmi kan si, Bawipa nih kan ram a ven lai. Crd; Ram Tinthei

Karenni ramkulh Loikaw-Demawhsu lam thluan ah ralhrang phu hna le Karenni phu fonh hna cu nihin September 7,zaanlei ah kahdohnak a chuak, DawPoeSi khua, Sanpiah meng 6,Dawngankha umhmun inn cheukhat hna cu ralhrang hriam nih a khen caah an rawk tiah theih a si.

Tuzaanlei ah Dawpoesi khua ah umhmun khuarmi ralhrang minung 200 hrawng tel mi phu cu Kayinni phu fonh hna nih an doh hna i zaanlei suimilam 7:00 tiang pehtlai in kahdohnak a chuak tiah theih a si. Kaya ramkulh (Karenni) Demawhsu khua palik riahbuk cu Karenni phu fonh nih doh in an lak khawh tiah khuachung thawngzamhnak nih an langhter.

Mandalay ah ralhrang phu hna nih umhmun an khuar nak hmun (no.95) battalion ah nihin September 7, zaanlei suimilam 6:00 luan ah kut cheh bomb in an cheh hna caah , umhmun an khuarnak hmun ah ralhrang minung pahnih an thi, hliamtuar mi an tam tiah theih a si.

Ralhrang phu lei nih an kah ve hna caah bomb in a chap tu phu chung in mino pakhat cu meithal kuan nih a khen tiah theih a si.
Nizaan zongah Amarahpoerah(အမရပူရ) khua ah ralhrang phu hna cu hliamtuar mi an tam, cun Manaw-man dum hmai security hngak mi palik pakhat zong kut cheh bomb in cheh a ton caah a kee ah fakngai in hliam a tuar tiah theih a si. Crd; The Chin Post

Be the first to comment

Leave a Reply

Your email address will not be published.