Chinram Chung Ah Mi Sawhsawh Asi Mi Minung 6 An Tlaih Hna I 2 An Thah Hna

CDF Zotung hna cawlcangh nak hmunhma ah ava kal mi ralhrang hna nih mi sawh sawh asi mi khuami minung 6 hna cu an tlaih hna i cu hna chung cun 2 cu an thah hna tiah CDF zotung sin in thawngtheih asi, ralhrang hna cu June thla ni 4 thawk khan CDF zotung um nak hmun ah ralhrang an rak lut I khuami minung 6 an tlaih hna i lam hmuh sak tu le ralsatalh ah an hman hna, cu hna chung in cun Antta khua ah khua asa mi U Win Lwin Soe kum 28 lw U Myit Maung kum 55 hna cu June 11 le 12 ah khan ralhrang nih an thah hna tiah CDF Zotung nih cun an chim.

Hi an thah mi hna ruak cu fawi le bai ah an hmu kho hna lo, CDF Zotung nih chim nak ah cun atu bantuk in an thah mi hna an ruak hi June ni 18 le 21 ah kan hmuh hna i mei in an ruak cu kan khangh hna tiah an chim. Antta khua hi Magway ramthen Gangaw peng ah aum mi khua pakhat Zotung ramchung khau asi i Gangaw in Mile 20 hrawng ahlat nak ah aum mi khua si tiah theih asi.

Cun cu hnu ah cun CDF-Zotung Chungin Pa Sung Fua cu Ralhrang nih an tlaih hnu ah an thah tiah teih asi. June 20 ah Chin state, Rizua timi peng CDF -Zotung chungin pa Sung Fua cu ralhrang nih an tlaih i June 21 zanlei sml. 6:00pm hrawngah ah thah hi a si tiah thawngtheih a si. Dothlen nak tuah chung ralhrang nih ningcang loin CDF -Zotung pahnih le khuami Pahnih an thah cang hna.

CDF/ PDF hi an pam tuk ko mu

Magway ramthen Pwint Phyu state, Pathein le Monywa karlak lampi cung I Mezali hlei ah PDF aphur tu mawtaw cu ralhrang hna nih an kah hna caah athi mi le hliam tuar mi an tam i hliam tuar mi hna cu an talih hna tiah teih asi.

June 21 zinglei ah khan PDF pawl aphur tu mawtaw cu General Min Paing Soe hruai mi ralhrang hna nih nih an check hna lio ah kahdoh nak achuak i cu kahdoh nak ah cun mawtw cung ah thil puak mi ruang ah PDF lei in  minung 12 an thi, cun hliam hma atuar mi minung 3 cu an nung buin an tlaih hna, asi nain minung 2 hi cu ahliam hma afak tuk I an nunnak caah ruah channak a um tuk lo.  Cu hnu ah cun Pwint Phyu myone palek bawi Win Oo le akut tang hna nih an rak check hna tiah theih asi.

PDF nih mawtaw an rak I cit mi hi fork ti mi asi i mawtaw ah aum mi hi hriamnam kuanzen tam lak te asi,  meithal hi 25 asi i 19 hi arawl dih 6 hi an tha cun, 40MM bum pawl cu akahnak chungah an rawk dih, cu pawl hna cu ralhrang le palek hna nih an lak dih tiah theih asi. Cu hnu cun Mezali hlei ah cun hmumhim nak ala tu dingah (security) minung tam deuh in achiah hna tiah theih asi.