Chinram Chung Hi Tluk In Raltuk Cuahmah Lioah Ralhran Sianginn On Mi Ah An Kai Hi Cu Khuaruahar Lei Asi

Chinram Kulh chungah ralhrang hna le mipi kilveng tu ral tatak akap mi ralkap ( CAN, CDF) hna karlak ah fakpi in kahdoh nak achuah k olio ah Myone e hna ah cun primary sianginn cheukhat cu ralhrang hna nih November 1 ah khan an on than tiah teih asi. Hi chungah hin Myone kip in siangin akai mi hi Tedim Myone chung in minung 1782, Tonzang Myone chungin minung 4289, Matupi Myone in 17 le Paletwa Myone in 4964 an si i an dihlak fonh ah thonghra leng hi siangin akai mi an si tiah theih asi.

Asi nain atu le atu ral athawh lengmang nak Mindat, Kanpetlet, Thantlang, Halkha, Falam hna ah cun siangin hi an on ko nain siangin akai tu siang hngakchia an um loh tiah khuami cheuh khat nih an chim. Khuapi chung siangin hna le  Ralhrang nih sianginn ah hmunhma an lak nak khua cheukhat lawngah siangin hi an on kho, khua lei ah hin cun atu tiang siangin an ong kho rih lo.

Khua lei I hngakchia hna zong an nunnak caah zeitikdah zei acan lai theih khawh asi lo caah siangin an kai hna lo tiah Paletwa i khuami pakhat nih Irrawaddy sin ah cun achim. Paletwa Myone ah hin Basic education siangin hi adihlak ah300 leng aum I, Khuapi chung siangin tlawmte lawng on khawh asi I, cun siangin akai tu minung zong  an tlawm tuk tiah achim chap. Source; Irrawaddy Burmese Edition

Kawl Ralkap nih Mindat Peng Ayethayar khua inn an khangh

November 11 lio, Mindat in meng 23 um, Ayethayar khua ah Kawl ralkap nih inn an khangh, bomb an hmanh/do fawn, tiah theih a si. Cun, Matupi le Mindat kar meng 30 ah Kawl ralkap bomb hmanh/do mi khuami pahnih nih motorcycle in an lamh sual nain minung an him.November 12, Meng 16 zong ah anmah do mi bomb nih an motor a puahhnawh i an motor rawk, minung tu an him. Rff;Mindat Mizapi Ukhruaitu Phu

Mindat-Matupi karlak ah SAC Ralhrang 70 Hrawng an Thi tiah CDF-Mindat nih Chim

November 2 in November 10 tiang a cangmi Matupi-Mindat karlak CDF-Mindat le SAC ralhrang kahdohnak voi 12 a chuak i SAC ralhrang 70 hranwg an thi lai, tiah CDF-Mindat nih an langhter. November 2 kahdohnak ah ralhrang 2 an thi i, JCB pakhat an khanghpiak hna.  November 3 kahdohnak ah ralhrang 12 hrawng an thi i CDF-Mindat lei in kum 73 a simi upa pakhat nih a nunnak a pek ve. November 4 kahdohnak ah ralhrang 25 hrawng an thi.

Hliamhma a pumi an tam ngaingai. November 6 kahdohnak ah ralhrang 8 hrawng an thi i meng 31 zawn ah ralhrang ruak a tlol cangmi pakhat zong an hmuh. November 7 kahdohnak ah SAC ralhrang 18 hrawng an thi. SAC ralhrang nih inn an bauh, thilri an fir i mei zong an khangh. November 8 kahdohnak ah ralhrang 10 hrawng an thi. Mindat lei in ralhrang nih miakpi in kah an bawmh hna.  November 9 kahdohnak ah ralhrang 7 hrawng an thi i November 10 zong ah meng 10 zawn ah CDF-Mindat nih bomb an puah hnawh hna i, ralhrang tampi hliam an pu. A thimi an um lak tiah an zumh.

Khuathar ah Meithal in Kah a Tongmi Pu Mang Cin Kong

November 10 zaanlei muilai ah a Hakha Khuathar an inn ah meithal in kah a tongmi Pu Mang Cin (kum 39) ruak cu November 11 chun ah an thlak, tiah thawng kan theih.  US ah a ummi Pu Mang Cin te chungkhar pa pakhat nih, “Zaanlei muilai ah khan Pu Mang Cin a nupi hi thlanglei inn ah ka kal ta lai a ti i a vung kal. A rauh hlan ah meithal kah thawng a theih i inn ah a kir tthan. Inn a phak tik ah cun Pu Mang Cin cu an pokhlat ah a rak ril cang,” tiah a chim.

Pu Mang Cin hi Contractor rian a ttuan pahmi a si i, a nupi hi cozah zung rianttuan a si. Fa panga an ngei. Kha hlan ah khan Dalan tiah ralrin an rak pek bal tiah a chungkhar nih The Chin Journal ah an chim. Pu Mang Cin Dalan a si le si lo kong ah The Chin Journal nih adangte in fehternak kan tuah kho lo. Ruakvui lai ah palik le ralkap pawl an ra i sibawi nih a ruak a check ta. Cu dih cun thlaan ah ttha tein an vui ko, tiah a cunglei upa nih a chim chap.

Be the first to comment

Leave a Reply

Your email address will not be published.