Chinram Chung Min Aung Hlaing Ralhrang Kuanzen Chiahnak CDF Nih An Hrawh

Sagain region, Kalaymyo i SAC ralhrang kut tang umnak No.644 umnak le hriamnam an chiahnak cu mipi kilveng tu PDF Zoland le CDF KKG battalion 2 nih Nov 21 zanlei sml; 6 le cheu ah khan an luh hnawh hna I an kah hna. Cun Zen an chiah nak hmun cheukhat hna cu an puak i an rawk dih hna. Cun Min Aung Hlaing Ui tum rual zong ahliam len hna i athi mi an um tiah thawng theih asi. Mipi kilveng tu kan ralkap pasaltha hna cu Pathian nih aven hna i hlia hma zeihmanh pu lo tein him tein an kir than tiah theih Zalen nih atial.

(Salm 141: 1-10), Maw Bawipa, nangmah kha kan auh, khulrang in ka bawm tuah! Nangmah kan auhnak ka aw hi ka ngaihpiak ko. Ka thlacamnak cu zihmui bangin ka cohlanpiak law ka kut ka hlermi cu zanlei raithawinak sa bangin ka cohlanpiak ko. Bawipa, ka kaa ah hin ralvengtu ka chiahpiak law ka hmur ah hin cawngtu ka chiahpiak ko.Thil ṭhalo tuah duhnak ka ngeih sual nakhnga lo le miṭhalo hna thil ṭhalo tuahnak ah kaa tel ve nakhnga lo, ka lungthin hi nangmah nih kham ko; an puai ah cun a tel in i tel hlah ning! Miṭha nih cun dawtnak in ka si hna seh law dan ka tat ko hna seh, sihmanhsehlaw miṭhalo nih cun ka lu ah sathau ka thuh hna hlah seh, zeicahtiah cu bantukin ka cungah an tuah ahcun, thil ṭhalo an tuahmi i aa tel vemi ah an ka ser khawh sual ai hnga.

An uktu bawi hna kha lungpang cungin hlonh an si tikah, mi nih ka bia ahmaan kha an hngalh lai. Mi nih an tan an cheu i a pel le a pawi ah a cang dihmi thing bantukin, an ruh cu thlanka kamah khan ṭhek dih si hna seh. Sihmanhsehlaw Bawipa Pathian, kei nih cun kan bochan i nangmah chungah dornak kha ka kawl; ka thihter sawh hlah! Keimah foihnak dingah an chiahmi rap cun ka huppheng law thil ṭhalo a tuahtu hna chiahmi thang khan ka luatter ko. Miṭhalo cu anmah rap lila ah khan i foih hna seh, kei bel harnak zeihmanh tong loin kal ko ning.

Be the first to comment

Leave a Reply

Your email address will not be published.


*