Chinram Khualipi kipah Chin Miphun Ni Tuahding In An I Tim

Aralia mi February ni 20 ah voi 74 nak Chin Miphun nih cu Chinram khua lipi kip ah tuah ding in  ralhrang khut ttang riantuan tu U Ngun San Aung nih Jan ni 27 ah khan arak thanh.

Cun Khuapi kip I tuah asi tikah adih ding chawva le tangka vialte cu ralhrang nih an liam dih ko lai ti in achim. Asi nain Mindat ah cun hi ralhrang nih tuah an timh mi Chin miphun ni ah hin I tel lo ding in Mipi hruaitu phu nih thawngthanh nak an tuah ve

MAH ralhrang nih Magwe ramthen vengtu dingin an thimmi, Colonel Kyaw Kyaw Lin nih PDF an um hnu ah khua 24 lak ahhin khua 6 ahcun kan sungh dih cikcek cang ko tiah a chim ti in, Khit Thit Media  nih an taar tiah The Irrawaddy news nih a ttial.

Abik in Gankaw peng ah Khua 3 ahhin Cozah kan kalpi kho bak lo, peng dirhmun a si ah, khua dirhmun a si ah Cozah thate in a kal kho lo. Rian khinhmi minung hna an innlo an chuahtak dih a ti tiah an ttial chap. Cun Gankaw bantuk in Pakokku peng, Pauk, Myaing le Yesagyo zong hi a si thiam tiah a chap an ti.

Gankaw peng ahhin biaceih bawi, police bawi, Meithat lei le Cozahlei Tuanvo ngei tu (administrators) pawl lakah Za ah sawmriat cu an rian in an i ngol cang tiah Yaw Defense Force nih an chim tiah Irrawaddy nih a langhter. Credit; Zalen

Be the first to comment

Leave a Reply

Your email address will not be published.