Christmas Lai Zan Ah Kawlram Kanan Khua Ah Chinmi Tlangval 3 Nih Kumtling Lo Nu An Sualpi

Tamu khazaing ,Khampat Myone Kanan khua ah Chinmi tlangval 3 nih cun kum a tling rih lo mi nu pakhat cu December 24, zan nazi 11 hrawngah a bu bak in an sualpi i cu an sualpi mi cu palik sin ah report an si bantuk in, an pathum in an tleih hna.

Christmas zan tleivar zan December 24 ,zan nazi 11pm hrawngah nungak kum 15 nute cu a tlangval pa he Kanan khua ahmat 5 bualrawn ah an i tong i i duhdawt nak awka le nuamngai in caan an hmang. Cuti, i duh ngai in le i ngai tuk bu i can an hmanti lio ah cun, an pawng ah pa 3 an rak ra i, a tlangval pa deuh cu an hro chih len.

Pa zong cu a nungak nu zong ngeihtuah manh ti lo in tlangval pathum a tih nak ruang ah cun a nungak nu te cu a zamtak diam. Cuvial ah cun nungak nu te cu an kalpi i certual pawng ah an sualpi. Cu lawng cu duhtawk rih lo in thingkung tang ah an hruai rih i duhchung in an sualpi than rih.

Cu thawngpang cu khampat palik zung ah an report hna i palik pawl nih nungak no te a sualpi mi cu an tleih hna i bia an hal cuahmah lio hna an si. Nungak kum 15 nute a sualpitu pa pawl cu, Muan Ven Uk ( kum 19 ),Ceu Uk Thang ( kum 21 ) le Lal Hum Lian ( kum 22 ) pawl an si. ( Tamu News ) Credit : Vapual Auaw

Be the first to comment

Leave a Reply

Your email address will not be published.


*