CNA/F Hi Kan Soisel Penghna Ah Cun Nikhat Khat Ah Rakhine Kut Ah Kan Tang Thiamthiam Ko Lai

Tutan kan dohthlennak le Thantlang kong ah CNA le CDF mawhchiat le zeirello in bia a chimmi le ca a tial mi nan tam.Cheukhat nih nan i thawh i an mawhchiat ve hna ding asi ko nanti chap rih. Kan bawmhmi phaisa hi Sia le Vok thah nak ah maw an hmang dih, Xmas tuah nak ah maw an hmang dih nan ti.

CNA / CDF caah hin phaisa zeitluk tam na pek zong ah CNA/ CDF nunnak pakhat hmanh na cawk kho lo. Na siantawk phaisa na thawh tikah ka pek hna timi lungput ngei fawn hlah. Nunnak le pumpek in ka țuan khawh lo caah ka siantawk phaisa in ka țuan ve titu khan i ruat ko.An lung dongh lo nak ding le thazang pek tu i zuam. Cun,Thantlang kongah na biachim i ralring cang. Thantlang i uico pawl hi luh hnawh in doh hna hmanh seh law hi nak in an zual deuh lai i khua an khangh lawng silo in minung an hmuh mi poh le sațil an hmuh mi paoh an thah dih lai.

Cu lawng silo,kan ralkap pawl nunnak tamtuk a liam kho. Thantlang kguapi ruangah cun kan ralkap pawl zong an thih zongah a poi lo timi lungput ngei hrim hlah. Kan iin le lo a kangh cio.kanmah duh asi lo tihi i fiang usih. Kan dohthlennak hi thih le thih nun le nun tiin meithal in uico pawl kah lawng hi asi lo tihi theih a hau fawn.CNA/ CDF hi Thantlang ca lawng ah hriam an tlaih lo ti kan theih a hau fawn. CNA/ CDF hi mifim le khua ruat kho thluak ngei ansi tihi theih a herh ngai fawn. Thantlang kongah bia chiakha na chim tuk ah cun nangmah nih Thantlang cu khamh le veng ve tuah.

Nunnak le phaisa hi tahchun awk a țha lo. Chin mi a bik in laimi cu,biachim thiam le a nal ngaimi kan tam i a tak in rian a tuan mi kan tlawm tuk. Mah țhatnak lawng i hmuh in mi palhnak le mawhchiatnak a kawl mi kan tam. Mah tining hin kan lungput asi peng ah cun Kawl ralkap hi teihmanh usih law nini khat caan caan khat cu Rakhaing pawl sal ah kan tang țhan ko lai.MAH Le Ralhrang An Bia Ceih Te Nak Ding Lam, IIMM le CHRO cu nizan tihni ah ton biaruah nak kan nei. Chinram le Chinmi kan um nak Sagaing le Magwe ramthen hna I MAH le Kawl ralhrang nih nuhrin covo an buar nak kong le zeitin dah an sual nak vialte hi record ah kan chiah lai timi kong ah a voikhat nak meeting kan tthut asi.

Geneva i aum mi IIMM timi hi Burma ram nuhrin covo le Democracy cawlcanghnak lei I ai tel pang mi nih cun theih pah cio asi lai dah. A dik thlir in kan theih lo hmanh ah a thluam thlam tal cun theih cio asi.IIMM tiah a tawinak in auh mi cu Independent Investigative Mechanism for Myanmar tinak asi. 2018 ah UN Human Rights Council nih Burma ram caah adirh mi bu asi. UN nih Burma ram ah Ralhrang (Tat ma daw le cozah) nih nuhrin covo an buarnak hi a sawhsawh si lo in crime against humanit,

 

minung sinung phung ralchanh in (Pipu hna holh cun Mi kello) minung lungput le sining tiang lonh in mipi cung ah sualnak atuah. Hi an sualnak vialte hi ram chung beiceih nak ah, asi lo ah ram pakhatkhat biaceihnak ah asi lo ah UN nih a tawlrel mi biaceih nak ah ni khatkhat ah an bia ceih an si te lai.Cu an bia ceih tik ah cun 2011 hnu I sualnak an tuah mi vialte kha ttha te in record ah chiah in mawhphurh nak (dan tat nak) pek khawh nak ah evidence (tehte) ah hman an site lai ti khi asi. Battalion commander thonk in a cung lei poh an min kan vun khomh hmasa hna. A hnu ah sualnak a tuah mipoh pumpak pakhat cio min zong kan khawmh khawh chung kan khawmh lai.

Pathian nih a rem a ti ah cun Kawl ralhrang hna nih kan miphun cung ah sual chimpit le mi kello thil an tuah mi vialte record kan tuah mi hna hi chim rel can le an bia ceih can a phan te lai. Tuan ah an bia ceih khawh nak ding tu hi kan zapi fak chinchin in kan ttan cio a hau mi asi.

Be the first to comment

Leave a Reply

Your email address will not be published.


*