CNA/F Sinah Raltuk Acawng Mi Siangcachim Nu Raldoh Thawh Aduh Ve Cang

Siangin Cachimtu Sayamah Nu Nih Ralhrang Nih Kah Fatin I Thuh Len Ka Duh Tilo Meithal Tlaih In Kahdoh Ve Kaduh Cang Hna Caah Meithal Cawknak Mipi Bawmh Ahal Hna. Siangin cachim tu pakhat nih a sining vialte a facebook cahmai ah avun langhter ii a herhbau nak tete atanglei bangin bawmh a vun hal. Keimah hi a hlan ahcun siangiin ca chimtu sayamah pakhat karak si. Atu hi PDF-Kalay (2) dirhmun in khua a sami ka si. February thla tekhan CDM cawlcangh nak ah aa tel cangmi ka si.

Ralhrang duhlo nak langhter in ka cawkcangh tikah nu le pa chungkhar zong an thin arak phang. April thla khan Non CDM tuah tthan dingah auh ka si. Cu ticun minthut tthan dingah thil pakhat he ka chuak. Inn lei pehtlaih nak zong tuahloin raldoh cawnnak lam ka kawl. June thla ah ka hawi le thawngin CNA (CNF) sinah thlahnih chung raldoh ka cawng. August ah ka training ka dih ii PDF Kalay (2) ah kalut.Kannih pawl cu ahohmanh nih bawmhchanh mi kan silo. Hriamnam zong kan i cawk khawhlo tikah ralhrang nih an kan kahdoh fatin aa thup pengmi dirhmun in khua kan sa hna. Asinain atucu meithal tlaih in kahdoh ve ka duh cang hna. Cu caah nu le pa u le nau hna meithal cawlnak caah nan ruah khawh tawk te bawmh kan hal ko hna.

Khamti ah Pengkomh Uktu nupi Palek nih minung palh in an kahthah Nizaan November 21 zaanlei, Sagaing Ramthen, Khamti ah Pengkomh uktu (Khayaing Ohchohzihmu) Nupi Daw Nyunt Nyunt Win cu Palek nih meithal in an kah i a thi, tiah theih a si. Daw Nyunt Nyunt Win hi amah tein motor aa mawngh i Palek sakhaan hnurchih in a kal. Palek nih an dirter nain a duhlo i meithal zuun 15 in 20 kar hrawng an kah hnu ah motor a dir i an vung zoh u an Pu Khayaing Ohchohzihmu nupi a rak si, tiah ရှမ်းနီအသံ nih a tial.

Be the first to comment

Leave a Reply

Your email address will not be published.