CNA Le CDF Cawlcangh Ning Vialte Kan Chin Nu Nih Vawlei Cung Misual Bik Rallokap Sin Ah A Phuan Dih

Chin ralkap kan i neih mi CNA/F dir hmun le cawlcangh ning vialte ralhrang kawl ralkap sin ah a thli in thawng a rak thanh peng tu Dalaan pakhat Mai JJ Nuu cu kawl a um kal nak kherhlai cuahmah a si cang.Mai JJ Nuu ti mi nu hi Falam ah can saupi khuasa mi a si na in nizan june 15 khan khua zei ah dah a um ti theih a si loh.

Mai JJ Nuu hi kan mah Laimi bak te a si.a tu lio kawlram tualchung buai nak konghe pehtlai in CNF nih ram le miphun caah timhlamhnak a neih mi vialte le CDF training a pek ning le ralhrang a kah doh ning vialte hna cu ralhrang sin ah theihternak a rak tuah dih peng tiah theih a si.

Cun, Cu hlan i CDF pasal t’ha hna ram le miphun caah nunnak a pe mi vialte hna chungah a tam deuh hna cu a mah Mai JJ Nuu ti mi Nu thil tuah mi a si lai tiah ruah dawmh cio a si.June 13 tiangah khan Falam khuapi chungah a um na in Dalaan si theih a si hnu june 15 khan cun khua zei a um theih a si lo i Mandalay lei ah i thawn sehlaw a lo tiah an chim. worldnewsforchin

thawngpang dang : RSO nih Ralhrangbu kan Doh Lai a ti mi hi Mipi Doh An Timh mi a Si tiah SAC nih A Chim

RSO nih Ralhrangbu kan Doh Lai a ti mi hi Mipi Doh An Timh mi a Si tiah SAC nih A Chim. Rakhain ram ah umhmun khuar in a cawlang mi RSO hriamtlai pawl nih ralhrangbu kan doh lai a ti mi hi ralhrangbu si loin Kawlram le a chungah a ummi mipi hna kan doh lai a ti nak a si tiah ralhrangbu nih an thanh.

Kan hnu June 14 ah Rohingya Solidarity Organization- RSO hruaitu pakhat Tongmangno Kyaw Myint Tun nih rampi uknak ala tu ralhrangbu kan doh lai tiah muicuang in a thanh mi cungah ralhrangbu thawngthanhnak nih atu bantukin a leh mi hi a si.

Ralhrangbu thawngthanhnak nih RSO nih 2017 ah a chuak mi ARSA min hman lo in RSO an i ti mi hi a ruang aum. ARSA cu ramdang vialte nih ralhrangbu an si tiah theih mi an si caah nitlak lei ram pawl he pehtlaihnak a ngei mi RSO min an hman mi a si tiah a ti.

Atu bantukin social media ah RSO video file a rak chuak mi nih dai tein a um lio mi muslim pawl buaibainak tuah le ramchung buaibainak chuah dingah an i timh mi a si tiah ralhrangbu thawngthanhnak nih a chim. #popular news journal. The Chin Post

Be the first to comment

Leave a Reply

Your email address will not be published.


*