CNA Nih Tei Nak An Hmuh Hrim Hrim Lai : A Ruang Tam Tuk A Um,Ralkap Minung Tam Le Hriamnam Tthat Nak In AZ Herh Deuh Mi Cu?

Ca kan rel tik ah, a hram thawk in a dawngh tiang ttha tein kan rel longlong ah kan ni fiang tawn.Cu caah a tu nka ttial mi zawng hi fiang tein rel hmasa law na fiang tuk ko lai.I doh le i kah tik ah ,mipi thazaang tthawn le hriamnam ttha ttha ngeih hi biapi tuk si ko nain, hi nak in a herh deuh mi cu, hruaitu hna nih khua khan thiam hi a poi mawh tuk mi le a herh tuk mi asi ti hi rak theih mu.

Lai ram chung ah, chung ah Ralhrang sakhan um zat le Ralhrang milu um zat pawl theih dih a hau.Kawl ralkap hna um nak sakhan hna le minung zeizat dah um ti mi hi,fiang tein kan theih lo zawngah,a a za ceu tal cu kan theih a herh tuk mi pakhat asi. cu nih cun, kan rian ttuan nak tamtuk a kan bawmh lai.

A tu i kan thei miah cun,Chin state chung ahhin Ralhrang sakhan 56 a um. Mahhi chung ah kum 2012 lio ah CHRO nih an hlat ning ahcun ralkap sakhan 56 a um i battalion 26 an um.Battalion 26 he fonh in le battalion 26 tang ah Ralhrang sakhan pohpoh 56 a um. Chin state ahcun Paletwa peng ah Ralhrang sakhan tambik a um. Paletwa peng chung lawng bak ah Ralhrang sakhan 20 bak a um. A tam ngaingai.

Myanmar ralhrang nih cun, Chin state ah chung ah a chiah mi Ralhrang Battalion pakhat ahhin ralkap 1000 hrawng um ding an si nain Battalion pakhat ahhin Ralhrang minung 100 hmanh an tling lo tiah a hlathlai tu le a theitu hna nihcun an chim.Ralhrang sakhan a hme deuh mi tete ahhin cun Ralhrang milu 10 hrawng tete lawng an si hna i battalion pakhat an timi hmanh ah khin Ralhrang milu 70-80 kar hi an um tiah a theimi hna nihcun an chim.

An tuah ning ahcun Chin state chung ah Ralhrang a ummi hi milu 2000 hi a tam bik an si lai tiah an chim. Tam deuh nih an zumh ning lebang ahcun milu 1000 fai an si lai tiah an chim.

Hi bia konglam ah hin henry nih a ttial mi hi vun zoh tah hmanh u sih. Mah Ralhrang camp hi 2007-2009 CDMD i Incharge ka áš­uan lio i ka rak tuah mi a si. Cu ahcun CNC nih ENC tang Strategy Sturdy Committee ah Chin aiawh in ka rak kai i ka dih hnu 2007 kum in kaa thawk i 2008 May ah ka rak tuah dih. Battalion pakhat ah Ralhrang hi kawlram huap in 150-180 hi a tam bik an si.

Chin state chung ahcun Tactical 1 ahhin Battalion pa 3 an um. Cu hna cu LIB 266, LIB 268 le LIB 269 an rak si. Mah ahhin LIB 266 hi a tam bik an rak si i minung 92 lawng an rak si. A dang pa 2 hi cu 70 hrawng an rak si. 2003 Ciphe kan rak tlaih ning report ning in a si.

Paletwa Ram camp a tam u le Mindat ramchung khi ruah nak in point ka rak tuah mi a si. Ka chim duh bik mi cu camp pakhat ah hin minung hi a tambik 20 hrawng lawng an si caah 1000 hrawng hi an si lai. Cu cu 2009 Data ning in a si.Mah vial kha an theih mi le an hmuh mi cu asi caah CNA nih hin timh tuah nak tthe tein an ngeih siah cun an tei hrimhrim ko hna lai.

Six day War (niruk i donak)an ti mi Israel le Arap ram hna an ni do lio ah khan,Israel ralkap hna cu,an tam lo i, tingkhat fai long an si khah.sihmanhsehlaw Arap ram hna cu, Nichuah nitlak,chak lei le thlang lei in, fonh ah cun, Ting tam tuk an si i, teitu cuIsrael thotho kha asi ko. Cu caah, CNA nih bawipa bochan in le ralrin tein an doh hna ah cun an tei hrimhrim ko hna lai.

Credit : Chin11News.

Be the first to comment

Leave a Reply

Your email address will not be published.


*