CNA Nih ZRA An  Kah Hna Nak Aruang An Chim Fiang

Tedim peng chung ah a cangmi Zomi Revolutionary Army (ZRA) le CNA hruaimi mipi ralkap bu karlak kahdohnak kong he pehtlai in ZRA le SAC ralhrang karlak ton biaruahnak an ngeih caah kan kah hmasami hna a si, tiah CNF chimnak nawlngei Salai Htet Ni nih Myanmar Now ah a chim.

December 17 zinglei ah Tedim he meng 20 hrawng a hlatnak Gawsing khuate ah ZRA le CNF hruaimi mipi ralkap bu karlak ah kahdohnak a chuak i khuami pahnih hliamhma an pu, tiah khuami nih an chim.Cu kong he pehtlai cun Salai Htet Ni nih, Aruang bik cu SAC he ton biaruahnak an ngeih caah a si. Cucahcun, i runvennak ca ah kan kah hmasami hna a si, tiah a chim.

Aluancia thla chung ah ZRA nih Tedim peng chung i PDF sakhaan hmun 3 ah luh hnawhnak an tuah i, sakhaan hrawhpiak hna pin ah December 5 zong ah PDF-Zoland i an hruaitu pakhat a simi Pu Cin Sian Suan cu a inn ah meithal in an rak kah.

Ralkap uknak ahram chah ding in kan doh cuahmah lio ah atu bantuk i an (ZRA) rianttuannak hi kan duh lo ngai. A si awk zong a si lo. SAC le ZRA hi an ttang tti ngaingai cang maw timi zong theih a har ngai, tiah Salai Htet Ni nih a chim chap.Pangkhua Le Sangau Hrawng Ralkian In Aa Dor Mi Hna Le Inntek Ankaa Neknawi

Pangkhua ah aador mi hna hi an i khat cio lo, acheu cu , Thlariat, Thlakhat, Thlanga ti’n an i dor hna, Pangkhua ralkian dornak hmun ah a ummi hna hi chungkhar khar 7 an si i, a milu in minung 32 an si, Pangkhua ah aum mi hna dihlak hi inn 23 an si i, a minung in 130 hrawng an si i, minung 7 hrawng Sangau ah an kai.

Bawmhnak pekmi hna hi, thlakhat dan, zarhhnih dan tibantukin pek an si lo, tawlrel tu hna nih anmah nih caan an zoh in an pek hna, Bawmhnak hi MYA sinah le DC sinah alut mi cu anmah YMA le DC lei nih an phawtzamh hna. Aizawl ummi Lai MP pawl zong nih an veh bal hna, Rev.Dr. Thlaawr Bawihrin te zong nih an veh hna i bawmhnak zong an pek hna.Pangkhua ah aador mi hna hi ralkian buk ah a ummi cu an bawmh hna, cun Sangau ah aador mi hna hi bawmhnak voitam ahmu mi hna lak ah, voikhat hmanh bawmhnak ahmu rih lo mi zong an um. Khuachak in a rak kai mi hna hi, Motorcycle khalh ah i ralring hna sehlaw atha, khuachak khalh ning le khuathlang khalh ning akhat lo,

cu hlei ah raang tuk in nan khalh, nan lam nih nan i fian lo caah i suk/pahnak achuak tawn. khuachak in nan rak lut i, mi Motorcycle in nan pah hna tikah nan zaamtak hna, palek nih an in tlaih hna ah ralzaam ka si ti’n nan i chimmi hi a tha lo, thisa khat kan si unau kan si kan in dawttuk ko hna, kan si khawhtawk kan in bawmh hna nain, an facang athaw lo tuk ti hna nan chim tikah kan lung a nuam lo, zuu hna phorh in CDF ka si ti in nan i timi zong hi a dawh lo, cucaah nunzia dawh in kan um piak hna sehlaw, zuurit lo le Motorcycle ningcang te’n khal ulaw ti kan duh tiah  inntek zeimaw sinin kan theih.

Be the first to comment

Leave a Reply

Your email address will not be published.