CNF/A A Um Ko Nain. Bu Dang Dirh Hi,CNF/A Tthawn Ter Nak Caah,Dawn Khan Tu A Si.

Tahan Kalay-Kabaw lei Chin unau hna nih Chin National Defense Force (CNDF) an dirhmi cu a ttha ngai tiah ka ruah. Thazaang a pe khomi paoh nih thazaang pek cio ding an si. Abik in Ralkap kut in mino tampi an nunnak a liam tikah, CNDF bantuk buu hi an herh tuk ruang ah a rak chuakmi a si tiah ka hmuh.

Ka newsfeed ah CNF/A an um ko caah, buu dang dirh a herh lo nain, tiah racism/miphun hoih/view in criticism/soiselnak a tuahtu tete an a rak chuak. Mahbantuk racism view in dirhmi buu a hmutu paoh hi, anmah tu kha “racist” an si kha an hngalh lo caah a si.

Chin miphun lungrualnak pinah CNF/A thawnternak caah dawnkhantu/phentu an rak si kha, nihin tiang an ifiang kho lo i, a poi tak.Inn nganpi/mansion/Chinland ah Livingroom light/CNF/A nih rooms dang vialte a ceuh/light a pek khawh lo ahcun, room kip ah Light dang/ CNDF/ZRO/ KNO tbk bunh cio kha a herhmi si ko.

Cun, zeibantuk hriamtlai/Arms group nih an target/goal cu SAC tei in Chin ram ah zalawnnak/daihnak le federal uknak a chuah khawhnak hnga, hmalatu an si i, kan ral kan tei in, Federal Democracy ram kan dirh khawh tik ahcun, tulio buu an ummi vialte hna hi a dih/dissolve colh ding lawngte an si ko hna.

Cucaah, zeitindah kan ral/SAC ti kan tei khawh lai timi hi biapi ah ruah in, buu a um ciomi vialte hi, zeitindah kan ikomh khawh lai i, kan tthawng lai timi leitu hi biapi deuh in ruat cio caan a si cang.

Cred : Zasang Cinzah.

Be the first to comment

Leave a Reply

Your email address will not be published.