CNF/A Hi An Rak Um SAwsawh Lo I,Mipi Phun Caah Rian An Ttuan Tak Tak Mi An Si Ti Hi ,A Tang Ca Hi,Vun Rel Law Na Theih Ko Lai.

CNF/A Hna hi ram le miphun caah rian ttuan mi taktak Cu an rak si ko ti hi nai fiang ve ko lai.Hramhram in nawlngeihnak latu ralkap council hriamnam tlaih in doh ding in raltuk training cu Kawlram ramri hmunkhatt ah nizan May 8 ni thok in on a si cang i, cu raltuk training a petu cu Mandalay ramthen, Meikhtila hrambun Tatma 99 rian a rak tuan i ralkap council duhlo ruangah CDM a tuahtu Bohmu Hein Thaw Oo a si.A dikmi ral doh dingah hriamnam tlaih a herh tuk cang ti cu theih si ko.,

A dikmi ka tanh tiah zumhnak na ngeih ahcun fak piin izuam a herh i ralkap council dohnak puai hi zeitik caan paoh ah a chuak kho tiah Bohmu Hein Thaw Oo nih raltuk training a kaimi hna thazaang a pek hna. A chimmi cu, “Raldohnak timi cu zeihmanh ruahchanh awk a tha lo.”
“Kan ral kan sin ra in an rak kan doh kho bantukin kanmah zong nih an sin kal hnawh in kan va doh kho ve. Raldohnak timi cu nihin ah a chuah kho bantukin thaizingg zong a chuah kho ve” tiah a chim.

Tutan raltuk training ahhin raldohnak pinah, ngandamnak kong, mirang ca, computer le kutzun thiamnak training te zong kan cawnpiak chih lai tiah Bohmu Hein Thaw Oo nih Myanmar Now nih a chim.Hriamnam bochan in mipi thahnawnnak a tuatu ralkap ralhrang pawl doh ding in training tuahmi an si i, “Mi ka hrem ngam i keimah hrimhrim nih mi nunnak ka thah ngam a titu hna, nangmah hrimhrim zong thih ngam ding in iruah ve cang” tiah Bohmu Hein Kyaw Oo nih a chim.

Ralkap uknak tangin kan luat khawhnak rian a tuanmi phu vialte he,Hmunkhat tein rian kan tuanti lai bantukin cheukhat phu hna he zong pehtlaihnak tha kan ngei cang ti zong in Bohmu Hein Thaw Oo nih a chim chih. National Unity Government (NUG) zong nih hmailei Federal Army an dirh khawhnak hnga, tlangcung hriamtlai phu he an ceih ti hnu ah People Defense Force timi phu cu May 5 ni ah an dirh chunnak cathanh an chuak cang.

Hi kong he pehtlaih in,video tawite a um nainhi hi cu,ram thil konglam a si caah ,ka langhter rih lai lo.ram caah a pawi nak a um sual lai.a ruah zia rak thiam ko u tiin kan kan nawl ko hna.

Be the first to comment

Leave a Reply

Your email address will not be published.


*