CNF A Le Mindat CDF Hna Cu, Zeitin Dah Ankar Lak Ah Thil A Can Ning Si, Thawng Fiang Theih Na Duh tak ko ah Cun Rak Rel Ve Hrimhrim.

CNF Chairman Pu Zing Cung biachimmi cu CDF an dihlak in CNA ah i fonh dingin command pakhat taangah kum dih ahcun tutan kan dothlennak ah hmual a ngei deuh lai i teinak lam a fawi lai tiah a chimmi kongah CDF Mindat lutlai bik a simi Salai Yaw Mang nih fak ngaiin lehnak a tuah. Salai Yaw Mang nih amah pumpak timeline in lehnak a tuahmi zoh tikah ning hngal pah ko timi hmuh khawh a si.

CDF Mindat Salai Yaw Mang nih a ṭialmi cu a taanglei bantuk hin a si. CNA ah CDF vialte luh dih in order or command pakhat taangah um dih ahcun tutan dothlennak hmual a ngei deuh lai tiah CNF Chairman Pu Zing Cung nih a chim tiah ka theih.

A ngaingai tia hcun a liamcia caan ah zeidah a cang tim ruah hmasa zong a herh. SAC nih hramhram in rampi uknak an lak tikah Mindat zong Chin Ramkulh chung a ummmi, Chin Miphun minung kan si ve caah CNF A ah ruahchannak nganpi kan ngei i bochan tuk ve hna.

Kan ram boruak zoh tikah hriamtlaih a herh cang timi kan theih i Mindat mino pawl zong nih CNFA kan va fuh colh ve hna. CNA Tatzin pakhat taangah Mindat mino zong kan cawlcang ve ko lai tiah kan nawlpat hna nain CNFA lei in zeibantuk lehnak hmanh kan tong lo

. SAC ralhrang kan doh khawhnak ding ah raldoh training kan pe ve uh, hriamnam kan pe ve uh tiah CNFA kan nawlpat hna zongah zeihmanh santlaihnak a ngei lo, an kan tuah piak duh lo.

A hnu bikah Mindat mino pawl zong kan mah tein eidin tirawl kan i phorh i CNFA sakhan tiang kan phan, Training kan pe ko uh kan ti hna zongah zeihmanh santlai lo a si ṭhan hui. Asinain Mindat mino hna cu kan mah tein thonghrolh meithal le Lai meithal kan i tlaih i.

SAC ralhrang kan kah hna, cu hnu ah CDF Mindat timi in kan hun dirnak hi a si. Cucaah a tu hnu pi lawngah CNFA taang ah CND vialte luh dih in order, command pakhat taangah um dih mi cu zeitin hmanh in a si kho lomi a si tiah Salai Yaw Mang nih lehnak a tuah hi a si.