CNF Le CNA Karlak Buai Nak Cu, Pu Htet Ni Nih A Leh Nak A Rak Tuah Cang.

CNA ralbawi min in a diklo mi catial hi buaipi len caan kan ngei lo: Pu Htet Ni Social Media (facebook cahmai) ah, min langhter lo mi Chin National Army (CNA) ralbawi min in ca an tial mi tuktak hna hi buaipi caan kan ngei lo, tiah CNF Chimphuannak Nawlngeitu Pu Htet Ni nih March 15 zaan ah a fianter. CNA ralbawi min langhter lo mi nih CNF le CNA kar i hmuhthiamlonak, ti lei in a chim i an tial mi cu a si.

“CNF le CNA then thiam a si lo. Aa then kho mi zong a si lo, hi post luklak ruang ah ram dawtu sin in bawmhnak zong a zor hlei lo,” tiah Pu Htet Ni nih The Hakha Times ah a chim. Kan mipi (mizapi) zong nih nihin tiang nan kan dirpi ko. Cheukhat nih nan kan uhtanh fawn— nan mawh lo. Amah belte, bia vaakvai sawhsawh pawl hi rak zum duh hlah u, tiah Pu Htet Ni nih a chimchap.

A cunglei CNF leiin Pu Htet Ni nih fianternak a tuahmi kong cu hi kong hi a si.a tang leiah rak rel ——–

Ramdang ummi vialte, CNF bawmhnak hi pe ti loin CNA lawng hi kan bawm cang uh. CNA cu meithal kan i tlaih i ramlak ah miphun le ram kan dirkamh lioah CNF pawl cu Hotel man fak tak ah an riak, motor ṭhaṭha an cit, CNA zawn zeitik hmanh an ruat lo.

Chinland Club i thawhmi vialte CNA kut ah a phanmi 30% a tling bal lo. CNA nu le ngakchia zohnak ah tiah Australia i nan fund vialte CNA ralkap sinah a phanmi hi nan thawhmi chungin 30% a phan lo. CNF upa pawl nih an ei an ei hnu i cabuai tang i a tlami tete lawng kha CNA sin ah an kan phawt sawhsawh mite a si.

Atu zong CNA pawl cu thirle phang lengmang in ramlak ah kan um lio ah CNF kan pa le chungin Sui Khar te pawl, Htet Ni te pawl cu Hakha, Thantlang, Kalay, Aizawl ah motor ṭhaṭha in hotel ṭhaṭha ah an riak i Kawlram ralkap he i sinpi ngai in anmah tang tein an i chok lengmang ko.

USA ah CNF upa pawl cu meeting tuahnak vanlawng ṭhaṭha an i cit, rawl thawthaw an i dang. Kan nih CNA pawl cu rawl ei awk hmanh kan ngei ti lo. CNA kan ngaiha chia tuk ti hi rak kan theih piak uh. Cucaah Kawl ralkap dohnak ah nan tangka hi thawhmi hi CNA ah pe ti loin direct in CNA sin ah kan kua cang uh law tiah kan in law hna. Crd: Minchim duh lomi CNA ralbawi khat (Source: Sui Tha Cinzah)

Biakilh: Hi kong hi Chinmi nih kan theih dih hrimhrim aherh. A bikin ramdang ummi nih cucaah na hawi le sinah rak Share rak tuah ve hrimhrim ti hi a si

Be the first to comment

Leave a Reply

Your email address will not be published.


*