CNLD Hruaitu Pakhat Sive Mi Pu Ngai Sak Nih Gen- Min Aung Hliang Pek Mi Rian A Co Hlang Lo.

Kawl ralbawi zik Min Aung Hlaing dirh tharmi cozah ah rian lian tlai dingin atu lelek an sawm. “Kan cohlang kho hna loh,” tiah a leh hna. Cu pinah, CNLD party upa, chungtel vialte hrim nih ralkap dirhmi cozah rian pekmi cohlang hna hluh uh tiah CNLD lubik Chairman dirhmun in forhfialnak a pek hna.

Mon miphun party nih ralkap cozah he riantuan ti dingah bia an chah hoi. Vuanci asiloah State Adminitrative Council ah thutdan zong an laak lai. Democtay leirawltu party tiah tuanbia nih record a tuah hna lai. Arakhine National Party, Karen people Party zong ralkap cozah lei ah an ttang. Miphun party a timi pawl an tial a lang, miphun dirkamhtu maw an si? ralkap dirkamhtu dah an si? asiloah thutdan party cu maw an si tak ko?

Rakhine miphun party Vice Chairman Daw Aye Nu Sein zong State Administive Council chungtel ah a van itel hoi. Karen miphun party in Bado Man Ngein Maung zong nizan ah an telh fawn. Tlangcung party cheukhat an tial a lang chin lengmang. Ralkap he Arsa eikhat cu maw an si tak ko hnga?

Ralkap cozah nih Aung San Suu Kyi le President U Win Myint cu an sualnak an kawl chom hna le tazacuai dingah a hmuh an ser chom. U Win Myint cu election campaign lio ah NLD party pawl motor in a chokmi pawl nan nu he nan kut nan zoh hna ti ruangah သဘာဝဘေးအန္တရာယ်ဆိုင်ရာ စီမံခန့်ခွဲမှုဥပဒေပုဒ်မ ၂၅ in taza an cuai. Aung San Suu Kyi zong a sualnak an kawl chom i, zeidang sualnak an hmuh khawh lo caah an umnak inn security pawl nih an hmanmi inn chung le innka congtu umnak ichonhnak walkie talkie ( radio )na ngei” nawl hal loin na cawk ti in ပို့ကုန်သွင်းကုန်ဥပဒေပုဒ်မ (၈) in taza an cuai ve. Atu taza an cuainak hna pohmah hi kum 3 tiang thongthlak khawhnak poahmah an si. Credit: Salai Lairamthang

Be the first to comment

Leave a Reply

Your email address will not be published.


*