Col. Solomon Nih Mipi Lei Tha Zang An Peknak A Vun Langh Ter Ve Cang.

Mino Hna Țih Hlah Uh: Col. Solomon Thangding. CNA ralbawi Colonel. Solomon Thangding nih 2021 February 10 chun ah “Mino hna Arfi bantuk in kan in zohmi mino hna. Atu lio te hi nan caanțha a si. Țih hlah uh. A caan pek lio te ah ralțha uh. Cu lo ahcun a zungzal in a ralchia mi na si sual lai. (Chin National Army) kan um dih ko phang hlah uh” tiah a facebook ah a țial.

Atu hiti bantukin CNA Ralbawi Solomon Thangding nih a țialmi cu Ralkap uknak duh loin duhphorhnak a tuahmi mizapi thazaang a pekmi hna a si tiah theih a si. 2021 February 1 thawk in Myanmar ram cu ralkap nih hramhram in uknak a laak caah ramkip, hmunkip le khuakip in mizapi nih ralkap uknak kan duh lo tiah duhlonak an langhter cio.Credit:Rawn Chin Post

Relchih:Kawlram uknak i lak riangmang in amah kut cungah uknak ai hummi Min Aung Hlaing cu Japan nih voikhat kan chimhmi a zulhlo ahcun American le EU ram hna he fonh in fak taktak in dantan ai huah lai tia Japan MP hna nih biachahnak an chuah i thawng an thanh.February 10 ah Japan khualipi Tokyo khua i Pyitu Hluttaw meeting ah Myanmar ram kong an ceihhmai i Daw Aung San Suh Kyi le President U Win Myint le a dang upa a tlaihmi thlah terding in hnatlaknak an ngei.

Cucu Min Aung Hlaing nih a zulhlo le a tuah lo ahcun American le EU ram vialte phihkharnak dan fak taktak in pek ding tiah an thanh.Japan ram nihcun Myanmar ram Democracy phungning tein a kal peng ding hi a duhsak piak i thazaang zong a pek peng i a dirpi peng tiah DVB(Democracy Voice of Burma) nihcun a langhter..

Be the first to comment

Leave a Reply

Your email address will not be published.