Commision Rian Ttuan Tu Pu Thla Kio Cu,Hakha A Umnak Inn Ah Tu Zan Ah Tlaih Si Ve Cang.

Kawl Ralkap uhnak tang nawl ngeitu nih tuzan Thlantlang thimnak Commission zung haotu, chungtuan Salai Khin Aung Ling @ Sang Sang le Hakha Commission zung haotu Pu Thla Kio Lian an tlaih hna tiah kan theih. Thantlang in an tlaihmi hna zong Hakha lei an ratpi hna ti a si.

Tuzaan zaan suimilam 8:30 PM hrawng ah khan Chief Minister Pu Lian Luai zong a inn ah an va tlaih i bia hal ding kan in ngei tiah an kal pi. Cun zaantim bak ah Thantlang le Hakha ah rampi election tawlrel tu a simi Election Commission minung an tlaih chap hna hi asi. Tuzaan ah khan Kawlrawn lei ah thimnak Comission riantuantu tampi an tlaih cang hna tiah kan theih.

Thawngpang dang relchap: Min Aung Hlaing cu a fak tuk mi Dantatnak kan pek lai tiah Japan nih thanhnak a tuah cang..Hramhram in Mipi Cozah uknak a chut tu Ming Aung Hlaing cu Japan lei in forhfialnak kan tuah mi, thil tuah ding in kan hal mi a zulh duh colh lo ahcun America, EU he i bawm in a faktuk mi Dantatnak a cung ah kan khin colh lai tiah Japan nih thawngthanhnak a tuah cang tiah DVB nih alanghter..

Be the first to comment

Leave a Reply

Your email address will not be published.


*