Covid-19 Bomhnak Ca I $900 Billion Chuah Dingin Congress Nih Bia An Thlaakmi Kongah Lawmakers Karlak Ah Alhnialnak A Um

๐‚๐จ๐ฏ๐ข๐-๐Ÿ๐Ÿ— ๐›๐จ๐ฆ๐ก๐ง๐š๐ค ๐œ๐š ๐ข $๐Ÿ—๐ŸŽ๐ŸŽ ๐›๐ข๐ฅ๐ฅ๐ข๐จ๐ง ๐‚๐ก๐ฎ๐š๐ก ๐๐ข๐ง๐ ๐ข๐ง ๐‚๐จ๐ง๐ ๐ซ๐ž๐ฌ๐ฌ ๐ง๐ข๐ก ๐๐ข๐š ๐š๐ง ๐ญ๐ก๐ฅ๐š๐š๐ค๐ฆ๐ข ๐ค๐จ๐ง๐ ๐š๐ก ๐‹๐š๐ฐ๐ฆ๐š๐ค๐ž๐ซ๐ฌ ๐ค๐š๐ซ๐ฅ๐š๐ค ๐š๐ก ๐€๐ฅ๐ก๐ง๐ข๐š๐ฅ๐ง๐š๐ค ๐š ๐ฎ๐ฆ
============================================================================
WASHINGTON (Reuters) โ€“ Friday ah khin virus checknak caah le unemployment benefit caah, tiin $600 in 700 zong an telhchihnak Covid-19 bomhnak $900 billion kongah US congressional biaceihkhaantu pawl karlak ah alhnialnak tlawmte a um, tiah lawmakers le aides pawl nih an chim. American ah minung 304,000 lenglo a that i, minung million tampi rian a dinhtertu pulrai dohnak dingah Democratic nih an ukmi House of Representatives le Republican nih ukmi Senate lutlai pawl a liamcia caan nakin tutan ah cun an khuakhaan a vun tluang ngai.

โ€œPulrai dohnak dingah bomhnak pek dingin kan i tinhmi cu biataktein tawlrel dingin kar kan lang cang. Vaccine phawtzamhnak phaisa kan herh, rian kan humzual khawhnak dingah Paycheck Protection Program kan tuahtamh than a hau. Laid-off a tongmi American mipi hi pehzul tein kan bomhchanh hna a hau,โ€ tiin Senate Majority leader Mitch McConnell nih a chim. PPP hi pulrai ruang i zatlaak a tongmi business hmetete bomhnak le federal loan a pektu a si. Asinain, US nih a rammi vaccine chunh hram a thok hna rualrual in, virus new cases hi a karh chinchin cang caah, zeibantuk in dah tutan bomhnak hi a dikdir in kalpi ah a that lai, timi kong he pehtlaiin Wednesday ah khan congressional aides pawl an awlok a chong ngai ko hna.

Government shutdown kham kho dingin Friday ah cop le cilh in tutan bomhnak hi hman colh siseh, tiin a si. Asinain, tutan bomhnak chungah hin state le local government caah suaisammi a um lai an zum lo. Cu hna bomh cu Democratic nih an i hmaithlaakmi a si nain, khat lei ah Republican nih an dohmi a si ve. Pulrai heh tiah a buaipitu state le local governments nih tutan i bomhnak an tinco lo ah cun an tuar a har ngai ding khi a si. Bawm ve hna seh, ti hi ka duh ko nain, bomh dawh an si lo, tiah Senateโ€™s No. 2 Democrat Dick Durbin nih a chim.

Asinain, an tukmi phaisa chungah an hmannak ding a zawn tampi cu an langhter rih hna lo. Sianginn i Covid kilvennak thilri an damhmi, hei ti bantuk tete telhchih in local cozah nih a dang a liohaumi vialte hi Federal Emergency Management Agency nih tutan bomhnak hmangin vun cham viar than sehlaw theih lo a si, tiin micheu nih ruahnak an ngei. FEMA nih an cham hna a si ah cun, $1 billion hrawng a si lai, tinak a si, tiah Democrats lei nih an chim. Asinain, cu zatzat a si lai cu Republicans lei nih an zum lem lo. โ€œFawituk lehpek in state le local governments bomhlo dingin khuakhaan khawh a si tham ah cun, doh ve dingmi thil dang tampi kan i ngeih ve ko cu teh,โ€ tiin Senateโ€™s No. 2 Republican John Thune nih a chim.

Wednesday tal ah cun kaphnih lungtlinnak ngeih khawh kan i tinh i, Thursday tal ah khin cun lungtlinnak vote pek thok kho sisehlaw, ti kan duh. Asinain, zanlei sang tiang kan phan cang nain, kan i tinh ningin si khawhdawh a si ti lo, tiin Durbin nih a chim. Friday zatim tiang tal i bia kan chah khawh rih lo ah cun, hi hnu ni thum-li hrawng a caan ka sauh lai i, cu ti khuakhaannak kan ngeih chungah cun cozah angecies pawl hi ka on ko rih hna lai le si ko, tiin The House Democratic leader Steny Hoyer nih a chim.

๐„๐œ๐จ๐ง๐จ๐ฆ๐ฒ ๐œ๐š๐ค ๐ญ๐š๐ค๐ญ๐š๐ค ๐ข๐ง ๐ญ๐ก๐š๐ง๐œ๐ก๐จ๐ญ๐ž๐ซ๐ง๐š๐ค : Minung pakhat ah bomh dingin kan hisaapmi hi $600 in 700 hrawng a si. Democrats lei ah ai beekmi independent Senator Bernie Sanders hei ti bantuk lawmakers cheukhat nih cun tamdeuh pek dingin an duhnak an langhter, tiah Thune nih a chim. Federal unemployment benefit hi zarkhat ah $300 reet in pek i, business tetuai deuh bomhnak caah hin $330 billions hman dingin lawmakers pawl khuakhaannak an ngei hna, tiah Thune nih a chim.

Tutan i $900 billion bomhnak an timi hi cu cuhlan i Covid ca i an raktuk cangmi chungin khan $600 billion an zunh lai i, a thar in an chap dingmi hi cu $300 billion hrawng a si, tiah an chim.
Tukum i pulrai nih faaktukin US economy a hnuarsuan caah, zeitindah kan thanchoter zokzok ah a that lai, tiin an tuaktaan lio pi ah a tu bantukin khuakhaannak an ngeih hi a si. Summer le fall thokka khan cun federal nih an suaimi budget $3 trillion chungin eidingtu (consumer) an phaisa hman a tam chinchin cang. Lockdown a thar in tuah lulh a si mi nih riantuannak a phihkhar than i, inn chungtang lawngah mipi khua an sa cang.

Tutan i bomhnak nan ti mi hi lung a hmui ngai. Asinain, hi nak tamdeuh hi kan herh ko rih lai, tiah Democratic President-elect Joe Biden nih a chim. โ€œCho chuak deng kan lo ko cang. Cash bak in i pek a si dingmi a lo ko cang. Asinain, hihi cu January dongh lai in Febuary tiang i tuah hram thok te dingmi down payment a rak si diam ai โ€“ a biapitukmi down payment,โ€ tiin thawnglatu sinah a chim.

Eidingtu an phaisa hmanmi a kai, thitha in services pawl tuah khawh a si tuk ti lo tikah cun, November in khan chawdawr rian ruahlo piin faaktuk in a tla, tiah Commerce Department data nih a langhter. Vaccine an ser khawh cang caah, hmaikum lei tal ah cun biataktein karhlannak i hmaitlak dingin lawmakers nih timhlamhnak an ngei cang bangin, Economy nunter than dingah financial markets kut ah cash tampi phaakter khawh kan i zuam lai, tiin Wednesday ah khan Federal Reserve nih bia a kamh hna. Chelsea Bawi

Be the first to comment

Leave a Reply

Your email address will not be published.


*