Covid-19 Raikham Sii Voi 90 Aa Chun

Germany rammi pa pakhat cu Covid kham sii chunhnak lehhmah zuar duh ah Covid 19 raikham sii voi 90 tiang aa chun. A mah hi kum 60 asi. Voi 90 tiang aa chunh caah a cung ah zeital that lonak a chuak maw chuak lo timi an thei kho rih lo.

Hi aa chunhnak hi nai te lawng ah an theih i cu an theihnak hmanh cu ni hnih cung a peh in aa chunh caah an theih. Germany rammi pawl hi Covid 19 raikham sii chunh a duh lomi an tam ngai tiah an chim. Asinain sii chunhnak lehmah vaccine passport cu lengchuah le kal um nak ah a herhmi si caah a tu bantuk in a deu an cawknak asi tiah an chim.

Malaysia zong ah raikham sii chunhnak lehhmah certificate a deu hi an tuah theo. A luan cia thla zeimaw zat zong ah Sekhan Clinic pakhat nih lehhmah a deu an chuah caah tlaihkhih le dantatnak an rak tong. Cherhchan: Daily Mail & Malay Mail

Kahdoh nak thawngpang. Kawkareik peng Taungkyarinn khua palek sakhaan le sianginn i umhmun khuar Council ralhraang hna cu KNLA phukomh nih an kah hna i an laak Karen ramkulh, Taungkyarinn khua palel sakhan le sianginn ah umhmun a khuar mi Council ralhraang hna cu April 4 zaanlei ah KNLA le tangti phukomh nih an kah hna i an umnak an laak.

Palek sakhaan cu an khangh tiah thawng kan theih. Taunglyarin palek sakhaan cu a kaang dih i a pawngkam le sianginn pawngkam ah Council ralhraang ruak an um tiah tualchung mi nih an chim. Taungkyarinn palek sakhaan lawng siloin hmundang zong an laak nain humhimnak ruah ah kan langhter lo tiah KNLA tangti phukomh in pakhat nih a chim.

Taungkyarin palek sakhaan le sianginn i a um mi ralhraang hna cu KNLA nih an kah hna lio ah Kawkareik ralhraang hna nih hriamngan in an rak kah bawmh hna ca ah hriamngan kuan cu Taingkyarinn khuachung ah tla in a puah ca ah khuami in cheukhat a rawk. Nihin Taungkyarinn palek sakhaan kahdohnak he pehtlai in KNU nih phunglut in thanhnak a tiah rih lo.

Karen ramkulh ah council ralhrang, BGF le KNLA, BPLA phukomh kar kahdohnak a chuak, ralhraang le BGF in 7 an thi i hriamnam zong an laak. Karen ramkulh ah nihin zaanlei suimilaam 1:00 ah Council ralhraang, BGF le KNLA, BPLA phukomh kar kahdohnak a chuak i ralhraang le BGF in 7 an thi, hriamnam zong kan lak tiah BPLA nih an thanh. Ref: Khit Thit Media