CRPH Nih CDM Kong He Peh Tlaih In Thong Thanh Nak An Tuah Cang.

CRPH nih cun CDM luh caan chung a khiah mi cu tuzan suimilam 12:00 ah a dih cang lai caah a herh ningin thongthanh nak an tuah cang.Cu hna cu..1.CDM hi Ralkap uknak hloh khawh nakding ah hmual a ngei tak mi hriamnaam a si. 2. March 31, zaan suimilaam 12:00 tiang hi CDM tuah a donghnak a si.

3. April zarh khatnak chung ah Unity Public Government (Mizapi Cozah) a chuak cang lai. 4. Ralkap uknak tang ah riantuan zuam loin rian in a chuak mi, chuahnak ca chia in rian a peh ti lo mi zong CDM ah aa tel mi tiin chinchiah nan si ve lai.

5.Mizapi Cozah a dir tik ah Ralkap he a tangti mi, Ralkap fial chukcho pawl (sal), le CDM ah a luut lo mi hna cu Mizapi Cozah a dodaltu tiin chinchiah an si ve lai.Hi hi a biapi tuk mi cu si. CDM a lut duh lo mi le ralkap a bawm mi hna caah cun,zei hmanh ruah chanh nak a um ti lai lo tinak si cang.

6. A cunglei langhter mi CDM ah a tel lo mi hna cu Mizapi Cozah (ukhruaitu) hna nih fakpi in dantat an si lai. CRPH nih hin an programme ning in an kal khawh siah cun, April thla in cun,kawl ram uk nak cu,a phun dang cang ko lai tiah zumh asi.

Credit: The Hakha Times

Be the first to comment

Leave a Reply

Your email address will not be published.


*