CRPH Nih Nun Nak Pek In Rian Ttuan Tu A Herh : By Singer R Zar

Hlasak Thiam Minthang R Zar Nih CRPH Nih Nunnak Pek In Rian Tuantu Ralkap A Herh Kei Cu Timhcia Ka Si.Atutan Kawlram buaibainak konghe pehtlai in Kawlram hlasak thiam minthang R.Zarni nih cun hi tin mipi hmuh khawh dingah ca a tarlangh,”Min Aung Hlaing nih hramhram in kawlram uk nak a lak ruangah kei mah R.Zarni cu Ram le Miphun caah nun nak pek in CRPH hruainak tangin cozah thar ser dingah timhcia ka si,nun nak pek in mipi ralkap t’uan dingin timhcia ka si,zeicatiah CRPH nih nunnak pek in rian t’uantu ralkap a herh”tiah a chim.

Salai Lungthli Tum Nih Hakha Sandahpiah Tu Hna Ralkap Nan Tih Ah Cun Dai Tein In Teh Nan Um Ko.Ralkap nih lam an zawhnak hmun an thei sual lai an phan ruang Hakha lam zawh hruaitu hna nih live thlah lo ding an ti, ti a si. Cuti ralkap tih tuk ko ahcun innchung ah teh him tein sandah nan piah ko? Ralkap uknak kan duh lo timi vawleicung mi kip nih rak hmu cio hna seh, anmah ralkap lila zong nih thei ve hna seh ti kan duh caah dakaw lampi kan chuak i sandah kan piah cu, cu kan i tinhmi cu media live thlahmi nih tlam a tlinter. Live thlah tung loin lam zawh cu zei sullam dah a si? Kan fianh cio tuah u.

UN zung ah Myanmar cozah aiawhtu Kyaw Moe Tun a biachim ka zoh i ka mitthli he kai ciah ve ko, thaizing lei lam zawh ding zong thazaang thar aka pek. UN aiawhtu pakhat nih vawleipi theih in UN zung bak ah ralkap uknak lakmi a dik lo, aho poah nih ralkap uknak kan doh i rianrang in kan thah colh a herh.

2020 election ah teinak a hmumi NLD sin power pek than a hau, UN nih zeiti lam hmanh in ralkap cozah theihpi ding a si lo tiah a chim. A donghnak ah Kawlholh in a chim chih, ‘rammi dihlak nih hmun kip ah lungrual ngai in ralkap uknak nan doh caah kai lawm.

Tutan dothlennak kan tei hrim lai(အရေးတော်ပုံ— အောင်ရမည်)’ tiah a kut in CDM tanpinak langhter buin a bia a donghter. Vawlei cung zung sang bik a thumi Myanmar cozah aiawhtu hmanh nih Min Aung Hlaing kaltak in mizapi dothlennak ah ai tel ve cang. Lung a hmui taktak. MAH cozah cu a tlu colh ko cang lai. Credit: Salai Lungthli Tum.

Be the first to comment

Leave a Reply

Your email address will not be published.


*