Dalan Chungkhar Thahnak Kongah Mipi Ralkap An Buai

Mipi Ralkap An Buai – Magway ramthen Saw khawpi ah YDF nih dalan nan si tiah August 21 zan suimilam 8 hrawngah Khin Maung Lin te chungkhar an thah hna i, an thil cheukhat zong an lak piak hna. Chungkhar ninung 6 an thi I cu hna lakah hngakchia kum 13 zong aa tel. Yaw PDF pawl cawlcangh ning cu dothlengnak I phukawmh 6 nih an mawh chiat hna.

Dothlengnak tuahttu ralkap phu 6 nih cun Dalan thianh timi hmangin YDF nih hngakchia telhin chungkhar that in, an thilri zong an lak piak hna tiah kan theih. Cun YDF nih tha tein thawngpang hlathlai le zohfel hmasa loin, inn ah bawling chuih a zohtu tiang an thah hna ti asi. Hi bantuk in YDF an cawlcanghnak ah kannih Saw hmunram chung i acawlcang mi dothlen nak atuah mi ralkap phukawm 6 pawl cu kan tel ve lo timi hi mipi sinah theih ter le langhter kan duh.

YDF nih dalan kan thianh timi hmangin August 21, zan suimilam 8 hrawngah Khin Maung Lin te chungkhar an thah hna i, mi 6 an thih pinah minung 2 hliamhma  tuar an um. Mithi pawl cu Khin Maung Lin ( kum 61 ), a nupi Win Ngwe , A nau Zaw Hty ( kum 58 ), TV a zoh mi Aung Thein Win (Kum 52 ),an mo Khin Ma Thet ( kum 37 ), an tute Thet Aye Ngein ( kum 13 ) hna an si. Hliamhma tuar pahnih cu Khin Aung Kyi le Myat Bung Khant Naing te pahnih an si. Hizat minung an thah hnuah sui thilri, tangka le mawtaw pahnih , phone le thilri dang zong an lakpiak rih hna.

Hi bantuk thil acang mi ruangah kannih phukom 6 nih hin a poi kan tituk. Ralhrang hotu Min Aung Hlaing le a kut tang pawl kan doh cuahmah lioah kum tling lo tiang thah in dothlengnak  hi mah nih duh  lo remlomi dohnak ah a hmangtu pawl cu kannih phukomh 6 nih mawh kanphurh ter tuk hna i cun tuanvo ngeitu pawl nih hremnak pe haisehlaw kan duh tiah Saw mipi uktu, Laungsi PDF, Saw PDF, The Youth Force, Kyauk Htuh PDF le Korea Yaw phukom pawl nihcun ca thanh an chuah.

Yaw PDF nih cun August 21, zan suimilam 9:15 hrawngah Saw khua i Pyu Saw Htee pawl meeting an ngei tiah thawng kan theih i, kannih YDF in fianh timh in kan panh hna tikah an rak kham hna i, thihnak tiang a phan, Khin Maung Lin telh in Pyu Saw Htee pawl nih cun voi tampi ralhrang sinah thawngthanh nak an tuah hna i, cu ruangah mino tampi tlaih an tawng cang. Pyu Saw Htee pawl nih duhtawk in mipi thilri an lak piak hna i, rittheihsi zong duh tawk in an zuar.

Ralhrang nih inn an khangh tikah an i tel ve i, ralhrang pawl zong tangka an pe lengmang hna. Pyu Saw Htee pawl i cawlcangg dan cu mipi nih kan sinah voi 5 leng an rak chim cang. Pyu Saw Htee pawl meeting an ngei ti zong mipi sin in kan theihmi a si. A hmun kan phak tikah meeting ahcun Khin Maung Lin, Zaw Hty, Aung Hty Win, Aung Aung Lin , Yin Ngwe, Khin Ma Thet pawl an rak um i, Inn ka khar in biachim rel nak an rak ngei.

Kan va phak tikah rittheihsi zuarnak i an hmanmi a rak si. A chung luh kan timh tikah mi cheukhat an ra phan i, an kan kham. Cu tikah kannih YDF nihcun cunglei ah meithal voi 4 kan hmetpuak. Cu bantuk kan tuah zongah an dai duh hlei lo i, inn chung um pawl zong nam kengin an chuak i, an kan sawh. An lakah hin meithal keng zong an um ve.

Lo theih loin kan kah ruangah Khin Maung Lin, Zaw Hty, Aung Thein Win, Yin NGwe, Khin ma Thet pawl hi an thi i, Khin Maung Lin I a tunu te hi cu YDF pakhat a meithal a lakpiak a timh ruangah a hmet puak sual i a thi. Khin Maung Lin fapa cu a zam manh i, ralhrang pawl a va ko. Ralhrang pawl an rat ruangah kannih YDF pawl zong kan zam ve.

Fiahternak caah mawtaw 2, bike 2, phone 3 , tangka ting 3 le suithi pawl kan lak i, kan chiah rih hna. Thil umtu niung le thawngpang  felfai tein kan dothlat hnuah thilri pawl cu a ngeitu sinah kan pe than hna lai. A hnuah ralhrang pawl an phan i duhtawk in meithal an kah. Kannih YDF lei cu kan him i, hngakchia a thih nak kong ah zoh fel thannak kan ngei chih lai tiah thawng thanh nak an tuah ve.