Dalan kong; Tu ni PDF-Yinmabin nih CDM a titer mi Dalan Palik an tlaih

Dalan kong; PDF-Yinmabin nih CDM a titer mi Dalan Palik an tlaih
=========

Sagaing Ramthen, Yinmabin(ယင်းမာပင်) peng chung ah CDM lut a titer mi PDF bu chung lut in thawngpang dothlat tu ralhrangbu kuttang a si mi Palik ngiatthlai tu Pa 1 cu PDF-Yinmabin nih an tlaih cang tiah theih a si.

” Mah thawngpang cu a dik ko. kan mah nih cathanhnak cu kan chuah rih lo” tiah PDF-Yinmapin thawngleh tuanvo a ngei tu nih Mizzima sin ah a ferter in a chim. Dothlatnak ning cun Monywa No. 2 Palik Sakhan in Si Htuu Nyein, No. 530869 a si tiah khua hrihram thawngpang sin in kan theih i Mizzima zong nih feter khoh nak ding ca’h pehzulh in kan dothlat lio a si.

Yinmabin peng, Vanbawi(ဘန်ဘွေး) khua pong in USDP party chungtel nih a ngeih mi Meng(5) Toe gate meikangh nak ruang ah PDF cawlcangh nak nih kan dothlat lio ah kan tlaih kho mi a si tiah mi pa 1 nih a chim.

August ni 23 ni ah Sagaing ramthen, Chindwin tiva nitlak lei, Yinmapen peng, Monywa-Yargyi-Kalaywah lam cung, Vanbawi khua pawng Toe gate meikhangh a ton cu Toe gate Manager zong thah a tong ve. Crd. Mizzima

Karen National Union(KNU) Brigade-5 uknak hmun chung ah Mihrang ralhrangbu le kuttang karen rammi a hngahtu BGF hna nih hmaitonh in an lut hnoh ruang ah August ni 23 in 24 tiang KNLA he kahdohnak a chuak i hmaitonh kahdohnak voi 15 tiang a chuak i ralhrang bu lei in pa 11 an thi i, pa 9 hliamhma an pu tiah KNU Brigade-5 nih tuni thawngthanh nak a tuah.

Mah kahdohnak chung ah KNLA lei in a thi mi le hliamhma a pu mi an um lo nak kong le Kyoehkodee(ကျိုးခိုဒဲ) khuami pa 1 ralhrangbu nih an hmanh/chiah mi vawlei chung phum mi bom cu a lamh sual ruang ah hlaimhma a cei ngai tiah theih a si.

August ni 23, Karen Brigade-5 uknak hmun NgyarTakhuKyoe(ညာတခူကျို:) kadhdohnak ah hliamhma a pu mi BGF le in pa 3 cu August ni 24 ah an kal pi than tiah KNU Brigade-5 he a naih mi thawng hrihram nih a langhter. Tu thla ni 22 thawk in ralhrangbu le BGF hna cu>>>>

Tanlwin(သံလွင်) le Thaungying(သောင်ရင်းမြစ်) tiva tonnak Thumuaihtah(သူးမွဲထ) hmun ah an rak phan i KNU Brigade uknak hmun chung ah hmaitonh kahnak an tuah i tu zing zawng ah KNU Brigade-5 zungpi umnak hmun Hpapun district, Depuno(ဒေပူနို) khua pawng ah ralhrangbu lei nih ralkap vanlawng a zuang tiah Karen Media Salween Press ah a langhter.

” Buaktlak in helicoptar hlawng a ra tawn, tucu ralkap vanlawng a si i bom a thlak lai kan phan. Thawng kan theih hlang cang i ka i ralrin a hau” tiah Tanlwin tiva kam KNU Brigade-5 hmun in khuami pa 1 nih a chim.

Ralkap vanlawng a zuan nak thawngpang cu Hpapun le Depuno khuami hna kar ah thawng an i thanh cang i ralrin te in pakhat le pakhat ralrin i peknak a um tiah KNU he a naih mi thawng hrihram nih a chim. Crd. Khit Thit Media

Be the first to comment

Leave a Reply

Your email address will not be published.