Dalan Pa Kong,Pakokko Khuapi Chungah, SAC Ralhrang Nih Dongkhat Hna Cu Phaisa Pek In Dawr An Tuah Ter Mi Hna Cu,PDF Nih An Zumh Hna Lo Ruangah Dawr Chu Chekhletnak An Tuah Tik Ah Beer An Hmuh Caah An Tleih Piak.

March 24, zaanlei suimilam 5:00 hrawngah Pakokko sehhmuh zung no.6 lam ei dinnak dawr cu checkhlatnak an tuah, cu dawr nih cun SAC ralkap thilchuah Myanmar beer le Dagon beer telh in zeidang khammi thilri an zuar caah mipi hmai ah hrawhpiak an si tiah Earthquake Peoples Defence Force UG nih cun mipi sin ah thawngthanh nak cu an tuah tiah theih a si.

Cu dawr ngeitu hna cu SAC ralkap phu hna sinah thawngpetu dalan an si tiin rinhalhmi an si tiin Young Force UG nih cathanh an chuah.Cun SAC ralkap phu sin phaisa an pek hna hnu ah, phaisa he lentecelhnak a tuahtu inn cu.PDF hna nih cun, chekhlet nak an tuah hna tik ah cun, SAC Ralhrang nih chuahmi, beer cu an hmuh tiah ca thanh an chuah.

PDF nih checkhlatnak an tuah hna hnu ah private motor 2 cu lakpiak an si. An chungkhar cu SAC ralkap phu hna he hmailei ah pehtlaihnak tuah ti lo ding in le a tubantuk phaisa he lentecelhnak tuah ti lo ding in ralrinpeknak an tuah hna hnu ah an thlah than hna tiah theih a si.

Pakokko Myotit sang ummi pakhat nih cun, a tu bantuk thil an tuahkhawh hi kan mipi ralkap hna an dohthlennak le an cawlcanghnak khuachung tiang a phan cang ti a langhnak a si, tiah a chim.
Lakmi thilri motor cu mah pumpak ca si lo in, dohthlennak ding caah kan hman lai tiin biakamnak an tuah tiah theih a si.

Cansau pi chung cu, PDF hna nih cun a thliin an rak ngiakthlai hna mi an rak thei loh, PDF hna nih cun tleih dingin le an sual nak an hmuh lo tik ah can sau pi cu an rau ve nain atu ah cun an dawr tiang cu chekhlet tik ah cun Berr cu an hmuh I an tleih khawh  nak hna cu asi.