Dalan; Rangoon, Kamayuat peng ah Dalan pa cu Meithal in a cal ah thi lak an kah

Dalan; Rangoon, Kamayuat peng ah Dalan pa cu Meithal in a cal ah a kah
==============

Rangoon, Kamayut(ကမာရွတ်) peng, 3 veng Thantapin(ထန်းတပင်) lam le Setanathuh(စေတနာသု) lamkil kiang Inntung No.17 ah Dalan thawngpe tu tiah mi tampi nih an ti mi Tin Hlah cu tu zing Slm. 5:00 hrawng ah meithal in thi lak in kah a si tiah khua chung hrihram Kamayut information nih a langhter.

“Tu zing 5:00 hrawng ah a pongkiang a um mi pa 1 nih a chim ning ah cun au thong theih in kan va zoh tik ah cun a cal hrimhrim ah meithal in an kah” tiah mithmuh tehte a chim mi cu Kamayut information nih a langhter.

Yangon Khit Thit Media nih Kamayut peng chung khuami pa 1 cu pehtlai in thawngpang a hal i Dalan ah rel a si mi Tin Hlah cu thah a si nak cu” bia hmaan a si, tu zing ah ralhrangbu le palek tamngai motaw in a rak phan cu ka hmuh tiah a chim.

Kamayut Information nih a langhter mi zong ah tu zing slm. 8:00 thawk in Thantapin lam chung ah motaw ngan pa 1, motaw 5, inncit motaw 5 le ralhrang, palek 30 reng lo an phan i thil a can nak hmun le a pongkiang hrawng cu an check, kherhlai nak an tuah tiah theih a si.
Crd. Khit Thit Media

Be the first to comment

Leave a Reply

Your email address will not be published.


*