Dalan Thawng; Tu Zing PDF-Yesagyo Sakhan a um nak a chim tu Dalan pa cu thi lak in an kah

Dalan Thawng; Tu Zing PDF-Yesagyo Sakhan a um nak a chim tu Dalan pa cu thi lak in an kah
===============

Tu Thla ni 19 zing ah Magwe ramthen, PDF-Yesagyo(ရေစကြို) Sakhan a umnak hmun ralhrangbu sin ah a chim i a tthithruai tu pa Zi Taw San Pya khua khua in U. Than Htay cu Yesacaw-PDF le Myinchan MG6 ral fir(guerilla) phu hna nih tu ni August 27, zing ah kan thah tiah PDF-Yesacaw sin in kan theih.

U. Than Htay cu Ze Taw San Pya(ဇီးတောစံပြ) khua uktu bawi he pu sinak pehtlai nak an ngeih i, a fapa cu ralhrangbu chungtel pa 1 a si i Rakhine ramkulh, Ann khua ah rian a ngeih mi a si i Bue Saw Htee hruaitu pa 1 zong a si tiah khuami nih an chim.

U. Than Htay cu Bue Saw Htee chungtel pa 1 a si le si lo cu Yangon Khit Thit Media nih fehternak a tuah kho rih lo. Yesagyo-PDF Sakhan cu August ni 19, zing ah ralhrangbu hna nih an luh hnoh hna i mei khangh in an hrawh piak dih i PDF phu hna tu cu a caan hmaan te an hrial manh tiah theih a si. Crd. Khit Thit Media

August 25 zaanlei Thantlang khuachung kahdohnak ah SAC ralhrang nih ralhriam ngan in khuachung inn pawl an kah ruang ah Sianginn sang ah inn 13 le Motorcycle 4 an rawk hna.Inn 13 chung ah inn 9 hi an rawh ning a fak khun i tampi remh an hau.

August 25 kahdohnak ah kum 10 ngakchia pakhat a nunnak a liam i a dang kumtlinglo ngakchia 5 le nu pahnih telh in minung 9 hliam an pu hna. Nihin (August 27) ah a rawkmi inn an remh lio ah SAC bomb a puak lomi an hmuh i leng ah an chuah hnu ah a puak. Inntek Pu Hlei Bik a nunnak a liam i a dang minung 11 an i hliam. Hliam a pumi 11 chung ah minung 3 hi a hliamhma a fah deuh caah Hakha sizung ah an kalpi hna.

Nihin bomb puahnak a chuah lecangka in SAC ralhrang nih meithal le bomb puah thlorh in an puah len caah khuami thinphang thlalau in an um hna. Crd. The Chin Journal

Be the first to comment

Leave a Reply

Your email address will not be published.


*