Daw Aung San Su Kyi Cu Ralkap Council Nih Ni Hin Ah Case Pakhat An Chap Piak.

Ralkap council nih a voikhatnak thawngfianhnak an tuahni, nihin ah Zabuithiri myone biaceuh zungah President U Win Myint le State Counselor Daw Aung San Su Kyi hna cu video conferencing in a voikhatnak zung chuahpi le biahalnak tuah an si tiah a case a dawi piaktu sihni U Khin Maung Zaw (a case a dawi piaktu sihni U Khin Maung Zaw) nih a chim.Daw Aung San Su Kyi cu Import and Export Law Section 8 le National Disaster Management Law Section 25 in tazacuai a si i, President U Win Myint cu National Disaster Management Law Section 25 in tazacuai an si ve.

Ahmasa ah khan cun State Counselor Daw Aung San Su Kyi cu Import and Export Law Section 8 ning lawng in case tuah piak a si.Atu ah National Disaster Management Law section 25 case chap chih in taza an cuai rih hi a si. A voihnihnak an biaceih ni cu a ra laimi March 1 ni ah a si lai. Import and Export Law Section 8 hi a tambik kum 3 tiang thongtlak khawh a si pinah phaisa liamter in le, thongthlak chih phaisa liamter chih zong in biachahnak tuah piakh khawh a si tiah theih a si.

Presdient U Win Myint taza an cuainak case National Disaster Management Law section 25 zong hi atambik kum 3 thawngthlak khawh le, phaisa liamter in le, phaisa zong liamter thong zong thlak chih ti zong in biachahnak tuah piak khawh a si ve. President U Win Myint cu tu case an chapmi um dawh a si lo.

Hi ti ning in cun Daw Aung San Su Kyi cu case pakhat caah kum 3 veve an si lai i, an sual ko tiah biachahnak an tuah piak sual ahcun kum 6 tiang thong an thlak kho tinak a si. Tu lio Civil Disobedience Movement cawlhcanghnak tu nih kan pu Daw Su le teinak cotu thongtlami vialte luatter hna seh. A poi ti hlei in chim ding a um ti lo.

Source : Irrawady

Be the first to comment

Leave a Reply

Your email address will not be published.


*