Daw Aung San Su Kyi Cu Supreme Court Ah An Kalpi Cang.

Kawlram cu ralkap kut tangah an um cang caah ralkap nih an duh poah in thil an tuah cang lai tinak a si. Ralkap kut tangah cozah zung le zeipoah a um cang caah Supreme Court zong nih nawl a ngei ti lai lo tiah mi tampi nih an hmuh ning le an zum ning heh tiah an chim cuamah cang.

Tu zan lei ah khan, VOA Burmese nih thawngthanhnak a tuah mi ah, Daw Aung San Suu Kyi le President hlun W Win Myint cu Zambu Thirih Court ah case tuah piak an si.Report nih a langter ning a cun, Daw Aung San Suu Kyi le President hlun U Win Myint cu Zamtu Thirih Court ah case an tuah piak hnuah Video hmangin Court an tuah tiin a phuan.VOA Burmese le Mizzima nih mah thawngpang hi an post mi a si.

VOA nih hruaitu pawl hna cu thawngpang fiangtein hal a tim hna. Natein tu tiang an chawn khoh hna lo tiin an langter.Daw Aung San Suu Kyi hi communication thilri hna cu lehhmah (permit) nei lo in Burma ram chungah a lut pi tiah case tuah piak an si.U Win Myint-a cu minung nih a serchommi le thlengchommi a si lo mi thil (natural dissasster) kongah tangka tampi a ei caah tiin Section 25-nak case tuah piak a si tiin court lei ah rian tuantu pakhat nih a chim tiin Mizzima nih a tial.

Credit: VOA Burmese, Mizzima

Be the first to comment

Leave a Reply

Your email address will not be published.


*