Daw Suu Nih Thong A Tlak Lai Te I,Bia Ka Khat Te A Chim Mi Ni Hin,Mipi Lung A Cam Ter Tuk E.

Kan kawlram mipi nih kan thei duh ngai mi Daw Suu Kyi lungput cu a sihni Khing Maung Zaw nih APF sin ah fiang cik cek in a chim cang. Kawlram mipi lawng si lo in, vawlei cung ramkip nih an thei duh mi a si.zei bantuk harnak le fahnak hmanh rak tawng ning law,ka rak ruah cia mi le ka rak timh cia mi siko cang tiah a rak chim tak mi cu asi.

Daw Suu Kyi nih kawlram a dawt ning le mipi zalawng tein um cang hna seh ti a duh ning lungput hi uar lo awk tha lo, A soisel tu zong nih an uar tiah an chim tawn mi kha a hman tuk mi si.Hlan lio 1988 lio san dah an rak piak lio zawngah khan,mipi lei nih kan peh zulh rih lai an rak ti nain, Daw suu nih khan peh ti hlah u,thisen tamtuk a luang lai tiah a rak ti hna lengah,keimah nih Democracy cu ka nunnak in kan lak piak te hna lai tiah a rak chim bal cang.

Myanmar Military Crack Down hi atu nak in kan hmuh tam chin lengmang lai ti a fiang cang. Daw Aung San Suu Kyi zong lih le hrokhrawl in sual phawt a si. A kong ceih a si te lai i,zei dah a lawh te lai ti cu theih khawh si rih lo.Mah belte mipi nih mahtluk in kan duh lo mi le Vawlei cung ramkip an sawisel mi thil asi caah ralkap uknak hi cu a dih dawnghnak si cang kho men.

Atu hi case pahnih serh piak a si. Case pahnih an serh piak mi ah sualphawt a si a cun a tlawm bik ah thla 6 maw kum 1 maw thawnginn ah chia a si lai,mah hi a tlawm bik mi a si.Kawl ralkap nih an duh a cun kum 6 tiang thawnginn ah chia ding in lam an kawl.

Feb 16 ah Natural Disaster Prevention Act, Case an tuah chap hna kha. Section 8 of the import and export law, Case number (38) 2021 & Article 25 of the Disaster Management Law” hmangin a tu hi Daw Suu Kyi cu ralkap nih an kut tangah an chia ri ko.Khin Maung Zaw, Daw Aung San Suu Kyi’s lawyer, nih APF sin ah Daw Aung San Suu Kyi lungput a chim.

A chim mi cu, Daw Aung San Suu Kyi nih kawlram nih Democracy a hmuh khawh nak ding caah zeibantuk thil a cung tlun hman seh (a chia bik mi dirhmun tawn ding in) tim cia tein a um ko tiin a chim.Mah bantuk in kawl ralkap lei nih heh tiah mipi uk ding in rian an tuan lio ah, mipi lei nih Democracy ngei than khawhnak ding caah ralkap uknak an duh lo ning heh tiah langternak an tuah lio a si.

Credit : RTK

Be the first to comment

Leave a Reply

Your email address will not be published.


*