Dohthlennak Tuah Hnu April 30, 2022 Nikhat Chung Kahdohnak Ah SAC Ralkap 104 An Thi i,

Myanmar Ram Pumpi In April 30, 2022 Nikhat Chung Ah SAC Ralkap 104 An Thi. Myanmar ram pumpi in dohthlennak tuah hnu April 30, 2022 nikhat chung kahdohnak ah SAC ralkap 104 an thi i, PDF 13 an nunnak a liam, tiah Yangon Khit Thit nih a thanh.

Cazin ning ah SAC ralkap a thi mi hi Sagaing ramṭhen Myaung ah 3, Kahta ah 15, Shwe Bo ah 1, Tanhse ah 10, Monywa ah 2, Shan ramkulh Ywa Ngan khua ah 10, Karenni ramkulh Demosu ah 2, Chin ramkulh Hakha ah 25, Mandalay ramṭhen Nua Htoo Gyi ah 6, Pago ramthen Taungoo ah 8, Magwe ramṭhen Pauk peng ah 3, Kyaw ah 15, an dih lak 104 an si. PDF lei in Khin U ah 5, Yua Ngan ah 5, Pauk ah 3, an dih lak 13 an nunnak liam.

Mandalay Ramṭhen, Nuathugyi Peng Kahdohnak Ah SAC Ralkap 8 An Thi: Mandalay ramṭhen, Nuahtugyi  peng Watloe  khua ah SAC ralkap ti than hna cu nihin May 1, zinglei suimilam 7:30 ah bomb puahhnawh an ton caah SAC ralkap 2 an thi, tiah Nuathugyi PDF sin in theih a si.

Bomb puah an ton hnu ah anmah bawmtu ding in a kal mi SAC ralkap motor 2 cu bomb puahhnawh an ton ṭhan caah an motor pakhat a rawk i a thi mi zong an tam kho, tiah an chim.

April 30, zinglei suimilam 8:00 ahkhan Nuathugyi peng Pinsi khua nitlaklei ah SAC ralkap motor pakhat cu bomb puahhnawh a si i, cu motor cu a rawk i SAC ralkap 6 nak tlawm lo an thi, tiah Nuathugyi PDF hruaitu nih a chim. SAC ralkap 10 hrawng an si i, Pa-de-ta bomb lung 14 kan puahhnawh hna, cu chung ah cun minung 6 an thi, tiah Nuathugyi PDF hruaitu nih cun a chim.

April 27 zong ah khan Nuathugyi peng Pinsi  khua sianginn ah umhmun a khuar mi SAC ralkap hna cu 40mm in kah an rak si i, 2 an thih lengah pakhat cu fak ngai in hliamh a rak si.

Thawng pang dang, Tuni May Ni khat rampi huap kahdohnak ah ralhrang kawlralkap lei in minung 40 thah an si pin ah ralhrang kawlralkap an hriamnam he a nun in an tlaih mi hna hi minung pariat an si. Hi konghe pehtlaiin May nikhat rampi huap kahdohnak kongah mipi ralkap lei nih thanhnak an tuahmi cu a tanglei bantukin a si.

May nikhat Mandalay ramthen chung kahdohnak ah ralhrang kawlralkap minung panga an thi. Nuahtukyi ah pahnih an i, Minchyan ah pakhat le Myaing ah pahnih an si. Cun Magway ramthen, Pakuku kahdohnak ah ralhrang kawlralkap minung pahra an thah hna. Cu Tanintary, Pulaw ah ralhrang pahnih thah an si.

Cun Karen, Laikaw ah ralhrang kawlralkap minung pariat an hriamnam he an tlaih hna. Sagaing, Phyangpyn ah ralhrang minung 15 thah an si pin ah Magway, Yesacu ah pahnih an thah tthan hna. Sagaing ramthen KhinOo ah minung paruk thah an si. Mipi ralkap lei in minung pahnih a nunnak a liammi hi Pyangpyn ah asi tiah an langhter.

Cabia dang. Ralhrang ralkap ruangah khuate lei authawng. Ralhrang ralkap nih ningcang loin sualnak ngei lomi mipi thahnawn le in le lo hrawhpiak le meiduah piak ruangah Laitlang lei khuate mipi hna cu nitin te thinphang thlalau in kan um ko.Ralhrang ralkap kan khua lei an rak panh ti thawng kan theih paoh ah khuami dih lak kan nun him ven nak caah tiin ramlak ah kan tli kan zam peng tiah khua upa sin in thawng kan theih.