Dr.Nung Cung Lian Hrem Nak An Pak Ning Hi,A Fak Bak,A Chung Khar Tiangin Langhter An Si Cang.

Kawlca in tial mi “America thawngpang” timi page nih Dr. Andrew Ngun Cung Lian social Punishment an tuah ning cu a fak bak ko. Tutan an cabia a faktuk, cu pin ah a mah pumpak hmanthlak lawng si loin, a chungkhar, a nupi le a fale hmanthlak tiang in an tarlangh piak.A chung cabia ah an telh chap mi cu “Ralkap Council nih Ruahnak petu (Advisor) ah an thim mi Dr. Ngun Cung Lian timi pa hi Chin miphun a si.

A mah pa hi kum 1988 rampi buai lio, Ralkap nih ram mipi hramhram in uknak an rak lak mi kha caantha ah i lak riangmang in Refugee a sok i USA ah a rak phan. Refugee in USA a phak hnu ah sianginn a kai i Upadi lei in Ph.D tiang a hmu mi a si” tiah an langhter.Chin miphun a si timi biafang an hman, cun 1988 lio ralkap uknak chuh mi kha caantha ah i lak in refugee soknak ah a hman, cu refugee sinak in cun USA ah Ph.D degree tiang a hmuh hi a si timi bianeng fak ngai in an tial piak.

Hi long silo in an chim rih mi cu “President Thein Sein chan ah Kawlram ah a lut i Kawlram Democracy karhlan nak ah cawlcangh ding in ka timtuah a rak ti. A si nain a tu ahcun Hramhram in uknak a chut tu Ralkap ruahnak petu a rak si diam i Myanmar rampi muihnak lam ah a hruaitu chungtel pakhat a si” tiah an langhter fawn.

Cu pin ah ” Zeitluk hmanh in fimnak le cawnnak sang ngei hmanh sehlaw Kawlram pi ah siivai tha lo a chuah pitu, Siivai ttha lo a kheuh ter tu minung a si caah Social Punishment rak pe cio uh” tiah an langhter fawn.Dr. Andrew Ngun Cung Lian Ralkap ruahnak petu a sinak, US Citizen a sinak le a cawlcanghnak a dik lonak pawl cu The Irrawaddy News zong nih mirang in a rak tial bal cang ko kha.

Be the first to comment

Leave a Reply

Your email address will not be published.