Dr.Sasa A Vun Lang Tthan Cang.Mi Phun Ca i Bia Cah A Chim Mi Rak Ngai Ve.

Dr.SaSa nih Tulio A Dirhmun Le A Ton Mi A Chim Hnu Ah Mipi Sin Ah A Herh Tuk Mi Thawngthanh Nak Zong A Van Tuah Chih Colh Rak Bih Cio Uh.NLD hrang i an cawlcangh cuahmah ruang ah Myanmar ralkap nih ram chung thuneihnak an lak ni in hlo verver Dr.Sasa cu tuchun February 20 ah online ah a lang dup i a dirhmun le a sining cu mipi sin ah chimphuan nak a nei.

Dr.Sasa nih cun “ Ka Duhdawtmi ka hawi lele kan phunpi pawl hna ka caah biatak tein thla nan ka campiak zungzal mi ka theih tik ah lunglomh nak tampi ka nei. Chim le ruah kan duh mi hna cu himbawm tein ka um i ka dam tha ko timi hi a si. Minung pakhat nih harsat nak le lung retheih nak ka tin mi hi chim zong ah a dih kholo mi thil a si.

A mui mi cu a ceu mi ah a canter bantuk in, Thil thalo mi zong ah thiltha ah an canter than ko lai.Teinak hmu ding in hmailei panh ko u sih,” tiah a ti.Myanmar ralkap nih zei sualnak hmanh a nei lo mi mipi an kah nak hna kong ah Dr.Sasa nih cun “Sualnak a nei lo mi mipi kah, ralthuam neilo mipi thi lak in kah, daitein lamzawh nak le sandah piah nak a nei mi mipi va buaiter lengmang cu phunglam kalh bantuk a si.

Hi bantuk i nan cawlcangh nak hi cu a faktuk mi chiatnak a si. Mipi hrang ah raltha tak in nunnak a hlan tu pawl hna nan thlarau hahdam tein idin hramseh,zeitik hmanh ah philhkhawh nan si ti lai loh,” tiah a ti.Dr.Sasa cu Myanmar in India ram ah ,India ram in England ah England in US ah ti bantuk in a kal nak thawngpang a um lengmang nain, Tutan onlie i ca a thlah miah cun, a um nak hmun a chim chih loh.

Dr. Sasa nih a umnak a chim duh lo nak a ruang cu tampi a um lai.Ram le mipi caah rian ttuan lio mi si tikah mipi lei zawng nih kan theih ding mi cu,ram ca i a rian ttuannak ah hlohtlinnak a hmuh khawhnak ding ah thlacam tu in kan bawmh hi a herhtuk mi asi ti hi kan theih dingah a ttha lai.

Credit : VAPUAL AUAW

Be the first to comment

Leave a Reply

Your email address will not be published.