Dr.Sasa Nih Kawl Ralkap Bia Thil A Theih Cang.Peh Zulh Ding In A Tim.

SAC ralhrang phu nih dirhmi UEC phu thar a voihnihnak meeting cu May 21 ah tuah le ngeih a si. Hi meeting ahhin ramchung party 93 fai an um i cu chungah Party 59 cu hi meeting an kai tiah theih a si. Ahohmanh pumpak in i tel khawh a si lo i Party min lawngin i tel khawh a si. Cheukhat cu Party sinah theihternak tuah loin Party min i ken in meeting a rak kaimi zong an rak um hna.

Meeeting ah UEC hruaitu thar nih NLD party cu 2020 myanmar rampi thimnak ah dik lo tukin vote an fir, a dik lomi thimnak an tuah ruangah Myanmar ram ramkhel party (Politics) in hlonh dingin kan zuam cuahmah lio si tiah a chim. Cu lawng si loin, NLD party hruaitu pawl zong, a dik lomi thimnak a tuahtu ah mawchiat an si i NLD party hruaitu pawl zong Myanmar ramkhel ah i tel khawh ti lo dingin lam kan phih hna lai tiah a chim chap.

Hi kongah Dr. Sasa nih,“Ralhrang pawl nih atu bantukin khuakhan lairelnak an ngeih cu caan saupi uknak laak an duh ruangah a si. Myanmar ram cu Democracy ram ah canter an duh lo i an rianṭuan dohkalh in rian a ṭuanmi NLD party cu an hrawh khawh ahcun caan saupi hi uknak hi an kalpi khawh an zumh. Cucu phungning loin uknak an lak thokin hrawh dingin an rak i ruahcia cangmi a si. Cucaah teinak kan co hrimhrim aherh,” Reuters sinah a chim.

Aung San Suu Kyi Sihni pa zong nih Aung San Suu Kyi kong he pehtlai in ralkap pawl nih aphunphun tazacuainak an tuah i a donghnak bikah an i tinhmi le an i ruahchih bikmi cu Aung San Suu Kyi cu Myanmar ramkhel ah i tel khawh ti lo dingin phihkhar an timh tiah Media sinah a rak chim bal cangmi a si.

Be the first to comment

Leave a Reply

Your email address will not be published.


*