Dr.Thang Cin Mang (Kum 84 ) Le A Fapa Pau Lian Mang(Kum 41) An Nunnak Liam

Dr.Thang Cin Mang (Kum 84 ) Le A Fapa Pau Lian Mang(Kum 41) An Nunnak Liam. Pakokku sii-innpi ah ngakchia zohtu sii-bawi in caan sau pi rian a tuanmi Dr.Thang Cin Mang (kum 84) cu July 27 ah a nunnak a liam. Zahan July 26 ah a fapa Pau Lian Mung(kum 42) zong a nunnak a liam tiah theih a si. The Chin Post

thawngpang dang relchap : 2019 Nakin Kawlram Mi Sifak A Let 2 In An Karh Lai Tiin World Bank Nih A Ruah
===========================================

2019 Nakin Kawlram Mi Sifak A Let 2 In An Karh Lai Tiin World Bank Nih A Ruah Tulio Kawlram Covid-19 zawtnak le ralhrangbu cawlcanghnak ruangah ramchung mipi nuai 1 deng nih rian an ngeih ti lo caah Kawlram cu 2019 nakin a let 2 in a karh te lai tiah world bank in a ti.

Rian ngeih lo hlei ah phaisa luhnak ngeih lo. Ngandamnak le eidin ah mipi nih i hngatnak ding an ngei lo.Ramchung bawmhnak le pehtlaihnak, chawlehnak lei zong thathi in a kal kho lo.Fimcawnnak le ngandamnak lei rian zong a kal kho ti lo cu a si ko.

A bikin mipi nih ralhrangbu uknak an duh lo, riantuan ding zong an ngei ti lo.Mah vialte ruangah rampi sipuazi cu fakpi in a hrawh mi a si tiin Cambodia le Lao world bank palai nih a chim.

Bank hna an hon than cang nain ramchung phaisa dirhmun sersiam ding tampi a herh rih. Chawhlehnak thathi i a kal khawh lo caah tukum January in July thla cheu tiang Kawlram phaisa man cu US dollar in tuak ah 23% in a tla.

Lothlo mi hna nih an herh mi pe, tisik anhnah man a tla nain, an herh mi thilri man a kai hawi.Ramdangin an lak mi Fuel (ေလာင္စာဆီ) man a kai tikah mipi hmailei dirhmun cu ruahawk ngai a si tiin myanmar economic watch report nih a ti.

Cu hlei ah Covid-19 ruangah mipi nunnak, pawcawmnak pin ah sipuazi zong mithmuh kut tonghin a hninhter lio a si. Covid le ralhrangbu ruangah 2020-2021 kum chung Kawlram sipuazi cu 18% in a tla lai tiin world bank nih July 26 ah a thanh.

Cucaah,atu lio Kawlram dirhmun zoh ah a luancia mi kum 10 chung thanchonak vialte a hrawh lai pin ah sipuazi dirhmun cu fak piin a kham lai tiah world bank nih a ruah.

Be the first to comment

Leave a Reply

Your email address will not be published.


*