Duh Lo Nak A Langh Ter Mi,Mino Pakhat A Tlai Tu Police Bawi Pakhat Cu, Mipi Nih An Thah Ve Cang.

Katha Destrict Htee Chaing khua ah sual nak neilo mino tlaitu Palek bawi changtu cu lamlak ah mipi nih meithal in an kah i a nun nak a liam ve cang tiah theih a si. Mipi lei ah nunau pakhnih cu Palek lei nih an khah ve hna nain, an thi lo i tuamhlawm cuahmah an siko tiin an chim.

Sagaing ramkhulh Htee Chaing khua Shwe Moe lakphak dawr i thu mi Aung Ko Htet cu lamzawh nak ah mino pawl na hruai tawn hna tiah palek pawl nih cun April 23 ah an rak tlaih i Katha thawnginn chungah kuat dingin an phurh. Cucu mipi nih an theih tikah an dawi colh i an neimi ralthuaman i ken ve.

Nat Ein khua phak zawn ah palek mawtaw ke a kuai i an belh ter kar ah mipi nih cun an rak lonh hna i Khua le khua kar in an rak bawh hna.Lampi ah thingtum tibantuk in lampi cu an rak kham. Palek mawtaw an rak phan cu Meithal an puah i mipi cu an hrocer hna i, mipi lei zong cu an i tuar kho ti lo i an i kenmi hriamnam in cun an kah ve hna.

Motor chung in a tummi palek bawi changtu pakhat cu mipi nih a hmun ah an khah thah. Palek lei cu hnu an pil i an mawtaw cu Mehein khua pawngah ai let.An mawtaw ai let mi cu tlik tak i palek nih cun ralkap an va kawh. Mipi nih cun mawtaw ai let mi cu mei in an khangh piak hna i Palek le an kaihmi Aung Ko Htet cu Katha ralkap nih an rak phurh manh.

Zan suimilam 8 hrawngah ralkap mawtaw cu Katha khua a phan.A hmun i aa tel ve mi pakhat nih cun “Palek nih meithal hmehpuah in mipi an hro hmasa hna. Mipi lei zong nih ttih loin an panh fonh tik ah ralkap nih cun an rak kah hna i Nunau pahnih an khen hna. Asinain, an thi lo i Sizung ah tuanhlawm cuahmah an si. mipi nih anmah tuahmi meithal in an kah ve hna tikah Palek bawi changtu cu a hmunah a nun nak a liam ve tiah theih asi.

Be the first to comment

Leave a Reply

Your email address will not be published.


*