Elon Musk nih Vawlei cung, Future car, Internet le Solar system vialte uk a timh!

Elon Musk nih Vawlei cung, Future car, Internet le Solar system vialte uk a timh!
===============
Elon Musk nih Vawlei cung, Future car, Internet le Solar system vialte uk a timh i, Jeff Bezos nih dawr vial amah zal ah sanh dih a timh ve i, Mark Zuckerberg nih future social media vialte hui dih aa timh ve.

Zakabak nih facebook a rak ser ka ahhin mino nih an rak hmang ngai nain atu ahcun taar pawl isiknak hmun ah aa chuah cang i, mino nih an uar ti lo. Cucaah, Facebook cu taar pawl caah chiah in, future Mino he aa tlak dingmi, social media thar Metaverse cu a ser tthan cuahmah.

An company, facebook, Inc. tiah 2004 an hman tawnmi cu, nizan thawk khan Meta Platforms, Inc. tiah minthar a pek i, mah company min tang ahhin social media flatform vialte khumh dih a timh hi a si.

Nizan ah Metaverseā€ kong a chimmi ka ngai i, a chim uar ngai nain anmah phaisa hmuhnak lawng tuak in a chim.
MetaVerse cu, Meta Vawlei tinak khi an sawhtermi a si hnga. Real life bantuk in online ah meeting thut khawh, games hna ikah ti khawh. Concert hna zoh tti khawh tbk khi Metaverse connect nih aa timhmi a si i, an herh cio dingmi cu, Oculus mitbenh a si lai.

Facebook nih an sermi, Oculus 2 hi hlan deuh ahkhan Movie zohnak ah ka rak cawk. Virtual Reality a si bantuk in, a tak a lo ngai i, chikhat cu a nuam ngai nain, Mit/ Eyes caahcun, ttih a nung bak lai tiah ka zumh. Minutes 30 tluk ka benh ah ka lung a mit. A chung ah Apps le games tbk pawl an man a fak taktak fawn. Cucaah, ngeihlo a tha tiah ka ruahmi a si.

Zakabak nih a company min, Facebook Inc in, Meta Flatform inc ah a thlennak hi phaisa miak hmuh duh ah phung a rak buar i, minung tampi a hrawh hna tiah US congress ah a kong ceih a tong i, a company min a thlen zong hi cucaah a si kho men tiah a ruatmi an tam. Atu a von ser dingmi Metaberse zong hi mino tampi hrawktu a si kho tiah kei nihcun ka tuak. Credit: Zasang Cinzah

Metaverse cu nunning tak in nunning deu ah hruai an kan timh. A nuam lai nain a tha mi si lo. Facebook hmanh nih hin kan sining tak tamtuk a kan chuh khawh cang. Thawng tha ngai a lo nain thawng chia ngai ah ka ruah. Zeidang deuh: “Tar” zawn ah “Taar” na hmanmi cu kai ziak lo ngai.

Be the first to comment

Leave a Reply

Your email address will not be published.


*