Emergency News : Hi Thong Theih Ah Hin Cun Lung Nuam Lo Ngai Ngai.Kan Unau Chung khat Zawng Chim Zawk Zawk Hna U Sih.

Chin ram kulh,Hakha khuapi khua chehvel hmun cheukhat ah SAC ralkap nih bomb an hmanh. Chin State Administration Council ralkap hna nih Hakha khuapi khua chehvel hmun cheukhat lam kam ah Bomb an hmanh tiah khua mi hna sin in thawng kan theih.Hi kong he pehtlai in min langhter duh lo minung pakhat nih, “Bomb an hmanhnak hi hmun thum hrawng ah a si tiah theih asi.

A hmun hi Innwa Bank hnulei, Hakha University pawngkam hrawng ah a si. Cun, bomb an hmanh mi hi pe 3 dan in an hmanhnak zong a um,” tiah a chim. Atu bantuk in SAC ralkap nih Hakha khua chehvel ah Bomb an hmanh hi CDF-Hakha he an i kah hnu in an hmanh mi a si.
The Hakha Post

Relchih! Alaw Bum kah nak bawmh dingin a rak kai mi ralhrangbu 200 hrawng cu KIA nih Bomb he an thuat caah a thi mi le hma a pu mi cei lak an um tiah mipi sin in theih a si. May ni 10 pzing suimilam pali le cheu hrawngah ralhrangbu minung 200 hrawng cu lam ah Bomb he voi 5 renglo thuat an si tiah khua mi pakhat nih a chim.“Ralkap pawl hi Alaw Bum lampi ah a rak kai mi an si.

KIA nih an kamh mi an lamh mi a si Mah hmun ah Suimilam cheu hrawng an in kap, Ralhrangbu lei an cei deuh caah hnulei kir ding hmai ah kal ding zong an in harh ngai tiah kan theih” tiah a chim chap.Alaw Bum lei a kal mi hi an i thawhnak Ni 3 hrawng cu an rau cang tiah theih asi.

An kal nak lam (Shang Htung Bum) ah a taap mi ralkap pawl bawmh dingah ei din he a kai mi an si i, KIA nih ei le din an phih piak mi pawl zong an um tiah theih a si.Mah kong he pehtlaihin KIO Headquarter nih confirm fehter mi cu a si rih lo. Bhamo-Laiza Motor lam nichuah lei Tower taing camp cu KIA nih an chuah tak hnu ah ralhrangbu pawl nih Alaw Bum lei ah vulei lei thazaang an ni chap chin lengmang nak hi a si.

Credif : Ka Chin Journalist/KIO Hqrs

Be the first to comment

Leave a Reply

Your email address will not be published.