Esther Dawt Chin Sung Na Ca Tial le Post Mi Ah I Ralring Cu Lo Ah Cun

Ka nau a him lonak hmun ah na um ah cun na ca bia i ralring deuh law a ttha lai muh. A ruang cu Ralhrang pawl hi Kawl Kumthar ah nuamhnak tuah i Myanmar ram ka daih ter khawh cang tiah aa timhmi a si. Cu caah hi Kawl Kumthar hi tlamtling tein a tuah khawh lo ah cun ralhrang nih sawmmi puai a zawh lotu vialte tlaih le thongthlak a um kho.

Hi Kawlram kumthar ah mipi nih tel ve loin Ralhrang pawl an saduhthah a rawh dih ah cun rian lian sang tlaimi Ralhang pawl zong an ruahnak aa tthencheu dih lai i, Ralhrang uknak zong rawh lei a panh te ding a si. Chim duhmi cu hi Kawl kumthar hi Ralhrang nih an i ngeihchunh mi Ramkhel caah nunnak thaw bak a si i, Ralhrang nih tukum hi Kawl kumthar a tuah khawh lo ah cun kan tei cang tiah chim cia khawh zong a si cang lai. Cu caah chim duhmi cu fimkhur tein kaa tel kho rih lai lo tiah let hna law na post zong ah khan ramkhel lein asi lomi reason deuh in post te muh.Na biachim na ca ttial ah mipi nih an in lawmhpi tuk ruang ah na bia le na ca merh in harnak an in pek sual lai ti ka phan caah asi. A si lo ah cun a him deuh nak hmun ah i tthial law dothlennak caah zaa ah zaa naa pek khawh lawlaw ah cun a ttha deuh lai. Na bia le na ca hmuh ah lawmh a um tuk i ka thin kaan phan pi fawn. Cu caah ka nau fimkhur tein tthut dir i zuam muh. Salai Dokhar

Nizan ah khan hlasak thiam Esther Dawt Chin Sung nihcun Kawl tioih puai a hman lonak ding kong a tial. Nikum zong ah Kawl titoih puai ka hmang lo. Tukum zong ah hman kai tim lo. Ca zong rak ka kua ti hlah uh. A ka dawtu nan dihlak cung ah kai lawm tiah a tial.

Min Aung Hlaing  Achuah sem nak Dawei peng ah council ralhraang motor bomb voi thum puah an tong i Captain pakhat tel in 7 an thi, pakhat hliamhma fak a tuar Sagaing ramthen, Khin-U peng ah council ralhraang motor pawl cu April 8 le April 10 ah bomb voi thum puah an tong i Captain pakhat tel in 7 an thi, 1 hliamhma fak a tuar tiah thawng kan theih.Khin U in Shwebo ah a kal mi ralhraang motor hna cu မော်ကွန်းညီနောင်ဖွဲ့၊ ဒေါင်းရာဇာကာကွယ်ရေးတပ်ဖွဲ့၊ နဂါးညီနောင် tangti phu komh nih bomb an puah hna hi a si tiah kan theih. Nihin zing suimilaam 7:52 ah puah mi cu Khin U peng Gyunkan le Yuathit kar ah a si. Nihin zing i puah mi bel cu a thi le hliamtuar zat kan thei rih lo. April 8 i kan puah mi ah Captain pakhat tel in 7 an thi, pakhat hliamhma fak a tuar tiah tangti phukomh chungtel pakhat nih a chim. Source: Khit Thit Media